స్టైరోఫోమ్ వల్లే హాంకాంగ్(Hong Kong) దుర్ఘటనలో తీవ్రస్థాయి మంటలు వ్యాపించడానికి కారణమని నిపుణులు అంటున్నారు. గురువారం హాంకాంగ్ లోని బహుళ అంతస్తుల భవనాల సముదాయంలో మంటలు చెలరేగి 55 మంది దుర్మరణం పాలైన సంగతి తెలిసిందే. అలాగే మరికొంత మంది గాయపడ్డారు. ఈ దుర్ఘటనకు కారణమని భావిస్తూ భవన పునర్మిర్మాణ పనులు చేస్తున్న ఇంజనీరింగ్ కంపెనీకి చెందిన ముగ్గురు ఉద్యోగులను ఇప్పటికే స్థానిక పోలీసులు అరెస్టు చేశారు.
మరోవైపు ప్రమాదానికి, మంటలు అత్యంత వేగంగా వ్యాపించడానికి దారితీసిన కారణాలపై దర్యాప్తు కొనసాగుతోంది. ఈ క్రమంలో ఆ భవన సముదాయంలోని మంటలు వ్యాపించని బిల్డింగ్ కిటీకీల వద్ద ‘స్టైరోఫోమ్(Styrofoam)’ను గుర్తించారు. పునర్నిర్మాణ పనులు జరుగుతున్న బిల్డింగుల్లోనూ ఈ స్టెరోఫోమ్ వాడినట్లు చెబుతున్నారు. పెట్రోలియం ఆధారిత ప్లాస్టిక్ అయిన పాలీప్టెరాయిన్ తో ఈ ‘స్టెరోఫోమ్’ తయారుచేస్తారు. నిర్మాణాల్లోనూ, ఫుడ్ ఫ్యాకేజింగ్ లోనూ ఎక్కువగా దీన్ని వాడుతుంటారు. అయితే, దీని వాడకాన్ని యూరోపియన్ యూనియన్ తో పాటు చాలా దేశాలు నిషేధించాయి. కారణం.. ఇది నాన్-బయోడీగ్రేడబుల్, క్యాన్సర్ కారకం.
Hong Kong | అంతేకాదు, స్టైరోఫోమ్ కి మండే గుణం ఎక్కువ. తక్కువ ఉష్ణోగ్రతల్లోనూ ఇది మండగలదు. మంటల్ని వేగంగానూ వ్యాపింపచేయగలదు. మండేటప్పుడు దట్టమైన నల్లటి పొగలు వెలువడతాయి. ఇందులో ప్రమాదకర కార్బన్ మోనాక్సైడ్ అధిక శాతం ఉంటుంది. స్టైరోఫోమ్ నిర్మాణంలో గాలిశాతం ఎక్కువగా ఉండడం వల్ల తేలికగా ఉన్నప్పటికీ, దీని వల్లే మంటలు ఎక్కువగా వ్యాపిస్తాయి. రెనోవేషన్ సమయంలో ఇసుక, సన్నటి రాళ్ల వల్ల కిటీకీల అద్దాల పగలకుండా, పునర్మిర్మాణంలో ఉన్న బిల్డింగుల్లో ‘ఫోమ్ బోర్డ్‘ వాడినట్లు హాంకాంగ్ న్యూస్ ఏజెన్సీలు చెప్తుండడం దీనికి బలం చేకూరుస్తోంది. దీనితోపాటు నిర్మాణంలో వాడిన సామగ్రి గురించి కూడా దర్యాప్తు జరుగుతోంది. అయితే, అన్నిటికంటే ముఖ్యంగా నిర్మాణ కంపెనీ నిర్లక్ష్యమే ఈ దుర్ఘటనకు అధిక కారణమని స్థానికులు అంటున్నారు.
Read Also: జీ20లో దక్షిణాఫ్రికాకు స్థానం లేదు: ట్రంప్
Follow Us on : Pinterest
