తెలంగాణలో 2019 నాటి గ్రూప్–2(Group-2) నియామకాల కేసు మరో మలుపు తిరిగింది. గ్రూప్–2 నియామకాలను రద్దు చేస్తూ ఇటీవల హైకోర్టు(High Court) సింగిల్ బెంచ్ తీర్పు ఇచ్చిన విషయం తెలిసిందే. తాజాగా ఈ తీర్పును డివిజన్ బెంచ్ తాత్కాలికంగా నిలిపివేసింది. ఈ నిర్ణయం అభ్యర్థులలో, ముఖ్యంగా ఇప్పటికే ఉద్యోగాల్లో కొనసాగుతున్న వారికి ఊరట దక్కింది.
సింగిల్ బెంచ్ ఎందుకు రద్దు చేసింది?
2019 గ్రూప్–2 రిక్రూట్‌మెంట్‌పై పలువురు అభ్యర్థులు కోర్టును ఆశ్రయించారు. ఎంపిక విధానంలో లోపాలు జరిగాయని, జాబితాలోని కొందరు అభ్యర్థులకు అన్యాయం జరిగిందని, ముఖ్యంగా రిజర్వేషన్–రోస్టర్ అమల్లో తప్పులు ఉన్నాయని ఆరోపించారు. ఈ వాదనలను పరిశీలించిన సింగిల్ బెంచ్ ఇటీవల కీలక నిర్ణయం తీసుకొని మొత్తం నియామక ప్రక్రియను రద్దు చేస్తూ ఉత్తర్వులు జారీ చేసింది.
ఈ నిర్ణయం వెలువడగానే ప్రస్తుతం విధుల్లో కొనసాగుతున్న అభ్యర్థుల్లో ఆందోళన మొదలైంది. ఉద్యోగాలు కోల్పోవాల్సి వస్తుందా? తమ భవిష్యత్తు ఏది? అనే సందేహాలు నెలకొన్నాయి. సింగిల్ బెంచ్ తీర్పుతో తీవ్రంగా నష్టపోయామని వాదిస్తూ వారు డివిజన్ బెంచ్‌ను ఆశ్రయించారు.
‘నియామక ప్రక్రియ పారదర్శకంగానే జరిగింది. సాంకేతిక లోపాల పేరుతో మొత్తం రిక్రూట్మెంట్ రద్దు చేయడం అన్యాయం. ఇప్పటికే ప్రభుత్వ సేవల్లో చేరిన వారి జీవితాలు అస్తవ్యస్తమవుతాయి. రాష్ట్రంలో మళ్లీ గ్రూప్–2 నోటిఫికేషన్ వచ్చే వరకు వేలాది ఉద్యోగాలు ఖాళీగా మిగిలిపోతాయి.’ అంటూ వారు వాదించారు.
డివిజన్ బెంచ్ తాత్కాలిక ఉత్తర్వులు
వాదనలను రెండు రోజులపాటు విన్న హైకోర్టు(High Court) డివిజన్ బెంచ్, సింగిల్ బెంచ్ తీర్పు అమలును తాత్కాలికంగా రద్దు చేసింది. “మధ్యంతర ఉత్తర్వులు” జారీ చేస్తూ, ప్రస్తుతం ఉన్న పరిస్థితిని అదే విధంగా కొనసాగించాలని స్పష్టం చేసింది. ఇది స్పష్టంగా గ్రూప్–2 అభ్యర్థులకు పెద్ద ఊరట. ఈ ఉత్తర్వులు వెలువడగానే కోర్టు ప్రాంగణంలో నిలిచి తీర్పు కోసం ఎదురుచూస్తున్న అభ్యర్థులు ఆనందం వ్యక్తం చేశారు.
డివిజన్ బెంచ్ తెలిపిన ప్రకారం
‘సింగిల్ బెంచ్ ఎందుకు ఆ నిర్ణయం తీసుకున్నది? రిక్రూట్మెంట్‌లో నిజంగా లోపాలున్నాయా? ఉంటే ఆ లోపాలతో నియామకాలను కొనసాగించవచ్చా లేదా? అన్న అంశాలపై హైకోర్ట్ డివిజ్ బెంచ్ పూర్తి విచారణ చేయబడుతుంది. తదుపరి విచారణ రెండు వారాల తర్వాత జరుగనుందని కోర్టు పేర్కొంది. ఇంటరిమ్ స్టే ఉన్నప్పటికీ తుది తీర్పు ఇంకా రావాల్సి ఉంది. ప్రస్తుతం విధుల్లో ఉన్నవారు తమ సేవలను కొనసాగించవచ్చు. తుది తీర్పు ఏం వస్తుందో వేచి చూడాలి.
Read Also: డిసెంబర్ 1 నుంచి రేవంత్ జిల్లాల పర్యటన
Follow Us on: Youtube
