హాంకాంగ్(Hong Kong) తన చరిత్రలో చూడని దారుణమైన అగ్నిప్రమాదం బుధవారం చోటు చేసుకుంది. దాదాపు 2000 భవనాలతో ఉన్న కాంప్లెక్స్లో ఈ ప్రమాదం చోటు చేసుకుంది. ఈ ప్రమాదంలో భారీ సంఖ్యలో ప్రజలు మంటల్లో చిక్కుకుపోయారు. సమాచారం అందిన వెంటనే అగ్నిమాపక సిబ్బంది ఘటన స్థలానికి చేరుకుని మంటలను అదుపు చేయడానికి ప్రయత్నిస్తున్నారు. ఈ ప్రమాదంలో కొందరు అగ్నిమాపక సిబ్బందితో పాటు మొత్తం 13 మంది మరణించారు. మరో దాదాపు 20 మంది ప్రాణాలతో పోరాడుతున్నారు. వారికి ఆసుపత్రిలో చికిత్స అందిస్తున్నట్లు అధికారులు చెప్పారు.
Hong Kong | బుధవారం అగ్నిప్రమాదంలో ప్రజలు చిక్కుకుపోయారని తమకు పలు ఫిర్యాదులు వచ్చాయని పోలీసులు తెలిపారు. మంటల తీవ్రత చాలా వేగంగా పెరిగిందని, గంటల వ్యవధిలోనే తొలి స్టేజ్ నుంచి ఐదో నెంబర్ స్టేజ్కు మంటల తీవ్రత చేరిందని అధికారులు చెప్పారు. రినొవేషన్లో ఉన్న బాంబూ స్కాఫోల్డింగ్ టవర్స్లో అగ్ని ప్రమాదం మొదలైందని స్థానిక సంస్థలు చెప్తున్నాయి. అయితే ఈ ప్రమాదంలో మృతుల సంఖ్య ఇంకా పెరిగే అవకాశం ఉందని అధికారులు అంచనా వేస్తున్నారు. కాగా ఘటన స్థలంలో భారీగా అంబులెన్స్లను ఏర్పాటు చేసి క్షతగాత్రులకు చికిత్స అందిస్తున్నామని, సీరియస్గా ఉన్నవారిని ఆసుపత్రికి తరలిస్తున్నామని అధికారులు వెల్లడించారు. అసలు అగ్నిప్రమాదానికి కారణం ఏంటి అనేది ఇంకా తెలియలేదని, దర్యాప్తు చేస్తున్నామని పోలీసులు తెలిపారు.
Read Also: ఆధార్ జాబితా నుంచి రెండు కోట్ల నెంబర్లు డిలీట్
Follow Us on: Youtube

