వచ్చే ఏడాది అంటే 2026లో జరిగే టీ20 ప్రపంచకప్ అబాంసిడర్‌ను ఐసీసీ ఖరారు చేసింది. అంబాసిడర్‌గా కోహ్లీ, సచిన్ అవుతారని అంతా అనుకున్నారు. కానీ ఐసీసీ మాత్రం హిట్ మ్యాన్ రోహిత్ శర్మ(Rohit Sharma)ను టీ20 వరల్డ్ కప్ 2026 అంబాసిడర్‌గా నియమించింది. ఈ విషయాన్ని ఐసీసీ ఛైర్మన్ జైషా ప్రకటించాడు. 9 ప్రపంచకప్‌లలో ఆడిన రోహిత్ కన్నా గొప్ప అంబాసిడర్ ఎవరూ లేరని జైషా పేర్కొన్నారు. రోహిత్‌ను బ్రాండ్ అంబాసిడర్‌గా ప్రకటించడం తనకు దక్కిన గౌరవమని తెలిపారు జైషా. భారత్, శ్రీలంక వేదికగా ఈ వరల్డ్ కప్ జరగనుందని చెప్పారు.
అయితే యువరాజ్ సింగ్ తర్వాత టీ20 ప్రపంచకప్‌కు అంబాసిడర్‌గా ఎంపికయిన ఇండియ ఆటగాడిగా రోహిత్(Rohit Sharma) నిలిచాడు. కోహ్లీ, ధోని, సచిన్‌లకు కూడా ఈ గౌరవం దక్కలేదు. సచిన్.. 2011, 2015, 2023 వన్డే వరల్డ్ కప్ టోర్నీలకు అంబాసిడర్‌గా ఉన్నారు. కానీ ఒక్కసారి కూడా టీ20 ప్రపంచకప్‌కు అంబాసిడర్‌గా ఎంపిక కాలేదు.
Read Also: ఓటముల బాధ్యత గంభీర్‌ది కాదు: రైనా
Follow Us on : Pinterest
