కలం, స్పోర్ట్స్: ఐసీసీ టీ20 వరల్డ్ కప్లో (T20 World Cup) వెస్టిండీస్ అజేయంగా నిలిచింది. గ్రూప్ దశలో నాలుగు మ్యాచ్లు ఆడిన వెస్టిండీస్ అన్ని మ్యాచ్లలో విజయం సాధించింది. ఈ టోర్నీలో మొత్తం మూడు జట్లు ఓటమెరుగని జట్లుగా ఉన్నాయి. వీటిలో భారత్, దక్షిణాఫ్రికా, వెస్టిండీస్ జట్లు ఉన్నాయి. గురువారం ఇటలీతో (West Indies – Italy) జరిగిన మ్యాచ్లో గెలిచి కరేబియన్స్ కూడా ఈ లిస్ట్లో చేరారు. గ్రూప్ దశలో చివరి మ్యాచ్లో ఇటలీపై 42 పరుగుల తేడాతో విజయం సాధించారు. ఈ మ్యాచ్ గురువారం ఎడెన్ గార్డెన్స్లో జరిగింది. ఇందులో ఇటలీకి వెస్టిండీస్ నిర్ణీత 20 ఓవర్లలో 6 వికెట్లు కోల్పోయి 165 పరుగులు చేసింది. దీంతో 166 పరుగుల టార్గెట్తో ఇటలీ బరిలోకి దిగింది. ఈ లక్ష్యాన్ని కాపాడుకోవడానికి వెస్టిండీస్ బౌలర్లు చాలా కష్టపడ్డారు. ఇటలీని 18 ఓవర్లలో 123 పరుగుల దగ్గరే ఆపేసింది.
ఈ మ్యాచ్లో(West Indies – Italy) ఇటలీ పెద్దగా పోటీ ఇవ్వలేదు. ఇటలీ బ్యాటర్లలో బెన్ మానెంటి 26, జెజె స్ముట్స్ 24, ఆంథనీ మోస్కా 19 పరుగులు సాధించారు. వెస్టిండీస్ బౌలర్లలో షామర్ జోసెఫ్ 4 వికెట్లు తీసి బౌలింగ్లో హైలైట్గా నిలిచారు. మత్యూ ఫోర్డ్ 3, గుడకేష్ మోటీ 2, ఆకీల్ హోసేన్ 1 వికెట్ తో బౌలింగ్ పూర్తి చేశారు.
ఈ ఇన్నింగ్స్లో కరేబియన్ బ్యాటర్లు బ్రాండన్ కింగ్, షిమ్రాన్ హెట్మేయర్ స్టార్టింగ్లోనే ఔట్ కావడంతో వెస్టిండీస్ 31-2 వద్ద ఇబ్బందిలో పడింది. కెప్టెన్ షై హోప్ రోస్టన్ చెస్తో 64 పరుగుల భాగస్వామ్యంతో ఇన్నింగ్స్ను స్థిరపరిచారు. చెస్ 24 పరుగులు చేసి 13వ ఓవర్లో అవుట్ అయ్యారు. హోప్ 46 బంతుల్లో 75 పరుగులు చేసి ఇన్నింగ్స్ను సమతుల్యం చేశారు. షెర్ఫేన్ రదర్ఫోర్డ్ 24 నాటౌట్, మత్యూ ఫోర్డ్ 16 పరుగులు జోడించి వెస్టిండీస్ను 165 పరుగుల స్థిరమైన టోటల్కి చేరువ చేశారు. బౌలింగ్ కృషి, మిడ్-ఆర్డర్ బ్యాటింగ్ సమతుల్యతతో వెస్టిండీస్ గ్రూప్ దశలో అజేయంగా నిలిచింది.
Read Also: నా దూకుడుకి ధోనీనే కారణం : దూబె
Follow Us On : WhatsApp
