కలం, వెబ్ డెస్క్: మహారాష్ట్రలో ఘోర రోడ్డు ప్రమాదం (Maharashtra Road Accident) చోటు చేసుకుంది. ఛత్రపతి సంభాజీనగర్లో ఒక ప్రైవేట్ బస్సు ప్రమాదానికి గురైంది. అతివేగంగా వెళ్తున్న బస్సు వంతెనను ఢీకొని బోల్తాపడింది. ప్రాథమిక సమాచారం ప్రకారం, ఈ ఘటనలో ఒక మహిళా ప్రయాణికురాలు మరణించగా, మరో 20 మంది తీవ్రంగా గాయపడినట్లు తెలుస్తోంది. స్థానికుల సహాయంతో గాయపడిన వారిని బస్సు నుంచి బయటకు తీసి చికిత్స కోసం ఆసుపత్రికి తరలించారు.
