కలం, వెబ్ డెస్క్: ఎయిర్ ఇండియా విమానానికి హైజాక్ బెదిరింపులు (Air India Flight) రావడం కలకలం రేపింది. కోల్‌కతా నుంచి ముంబై వెళ్లేందుకు సిద్ధమైన విమానంలో హైజాక్ (Hijack Threat) హెచ్చరికతో కూడిన చీటి లభ్యమైంది. వెంటనే అప్రమత్తమైన పైలట్ ఎయిర్ ట్రాఫిక్ కంట్రోల్ కు సమాచారం అందించారు. దీంతో భద్రతా దళాలు విమానాన్ని తమ ఆధీనంలోకి తీసుకుని ప్రయాణికులందరిని కిందకు దించారు. భద్రతా తనిఖీల కోసం విమానాన్ని ప్రత్యేక ఐసోలేషన్ బేకు తరలించారు. ఈ ఘటనతో అధికారులతో పాటు ప్రయాణికులు ఒక్కసారిగా ఉలిక్కిపడ్డారు.
ఇటీవల దేశంలోని పలు విమానాశ్రయాల్లో బెదిరింపు ఘటనలు చోటు చేసుకోవడం ఆందోళన కలిగిస్తోంది. అక్టోబర్‌లో ఫూకెట్ నుంచి కోల్‌కతా వచ్చిన ఓ విమానం టాయిలెట్ అద్దంపై ‘విమానంలో బాంబు’ అని రాసి ఉండటంతో విమానాశ్రయంలో అత్యవసర పరిస్థితి విధించారు. ఇక నవంబర్ 7న బెంగళూరు నుంచి లక్నో వెళ్తున్న ఇండిగో విమానం (6E-451)లోనూ హైజాక్ హెచ్చరికల కలకలం సృష్టించింది. విమానం టేకాఫ్ అయిన కొద్దిసేపటికే వాష్‌రూమ్‌లో ఉన్న బెదిరింపు చీటీ సిబ్బందికి లభించింది. వరుసగా ఇలాంటి ఘటనలు చోటుచేసుకుంటుండటంతో విమానాశ్రయాల్లో భద్రతా ఏర్పాటాలను మరింత కట్టుదిట్టం చేస్తున్నారు. తాజాగా, ఎయిర్ ఇండియ ఫ్లైట్ (Air India Flight) కు హైజాక్ వార్నింగ్ రావడం సంచలనంగా మారింది.
Also Read : 3 ట్రిలియన్ డాలర్ల లక్ష్యం: ‘ఇన్వెస్ట్ తెలంగాణ’ సదస్సు
Follow Us On : WhatsApp
