కలం, మహబూబ్నగర్ బ్యూరో: ప్రపంచ మానసిక ఆరోగ్య దినోత్సవం సందర్భంగా హైదరాబాద్లో నిర్వహించిన కార్యక్రమంలో మహబూబ్నగర్కు చెందిన డాక్టర్ రాహాతుల్లా (Doctor Rahatullah) కు సూపర్ సీనియర్ జనరల్ ఫిజీషియన్ జాతీయ అవార్డు అందజేశారు. తెలంగాణ సైకలాజికల్ అసోసియేషన్ ఆధ్వర్యంలో డాక్టర్ బీవీ పట్టాభిరామ్ మెమోరియల్ జాతీయ అవార్డుల కార్యక్రమాన్ని గురువారం నిర్వహించారు. హైదరాబాద్లోని నాంపల్లిలో ఉన్న ఇందిరా ప్రియదర్శిని ప్రభుత్వ మహిళా డిగ్రీ కళాశాలలో ఈ కార్యక్రమం జరిగింది. తెలంగాణ సైకలాజికల్ అసోసియేషన్ రాష్ట్ర అధ్యక్షుడు, ప్రొఫెసర్ డాక్టర్ చంద్రముఖి స్టేట్ కోఆర్డినేటర్ డాక్టర్ అంజన మూర్తి చేతుల మీదుగా రాహాతుల్లా ఈ అవార్డును అందుకున్నారు. ఈ కార్యక్రమంలో డాక్టర్లు రాజేశ్వరరావు, గర్రె శంకర్ రావు, మ్యాజిక్ రాజా డాక్టర్ భాగ్యవతి, ఉదయశ్రీ, తదితరులు పాల్గొన్నారు.
