కలం, వెబ్ డెస్క్ : నటి ఫరియా అబ్దుల్లా (Faria Abdullah) ఇన్స్టాగ్రామ్లో పంచుకున్న ఒక సెల్ఫీ వీడియో ప్రస్తుతం నెట్టింట వైరల్గా మారింది. ఇటీవల బోనాల వేడుకల్లో ఉత్సాహంగా పాల్గొన్న ఆమెపై కొందరు నెటిజన్లు మతపరమైన వ్యాఖ్యలతో తీవ్రస్థాయిలో ట్రోలింగ్కు దిగారు. ఈ విమర్శలపై ఫరియా భావోద్వేగంతో స్పందిస్తూ విమర్శకులకు కౌంటర్ ఇచ్చారు.
ప్రతి మనిషిలోనూ, ప్రతి జీవిలోనూ దేవుడిని చూడడమే అసలైన భక్తి అని ఫరియా తన వీడియోలో స్పష్టం చేశారు. హృదయంలో ద్వేషాన్ని పెంచుకుంటూ దేవుడిని వెతికే ప్రయత్నం చేస్తే, అది తప్పుడు మార్గంలో పయనించడమే అవుతుందని హెచ్చరించారు. దేవుడు అనేది ఒక నిర్దిష్ట పరిధికి పరిమితమైనది కాదని, ప్రతిచోటా విస్తరించి ఉన్న ఒక దివ్యమైన వెలుగు అని పేర్కొన్నారు.
అంతటి విశాలమైన ఆధ్యాత్మిక భావనను, మతాన్ని కొందరు తమ సంకుచిత ఆలోచనలతో చిన్నదిగా పరిమితం చేయడం సరికాదని ఆమె (Faria Abdullah) అభిప్రాయపడ్డారు. తనపై ఎంత ద్వేషం చిమ్మినా, తాను మాత్రం ప్రతి ఒక్కరికీ మరింత ప్రేమను మాత్రమే పంచుతానని చెప్పారు. సంస్కృతి, సాంప్రదాయాలను గౌరవిస్తూ ఫరియా ఇచ్చిన ఈ సందేశంపై నెటిజన్ల నుంచి విశేష ఆదరణ లభిస్తోంది.
Also Read : అలిపిరి మెట్లపై ధూమపానం.. టీటీడీ సీరియస్
Follow Us On: X(Twitter)
