కలం, వెబ్ డెస్క్ : భారత ప్రధాని నరేంద్ర మోదీ (PM Modi) నేడు న్యూజిలాండ్లో పర్యటనను ప్రారంభించనున్నారు. రెండు రోజుల పాటు సాగనున్న ఈ అధికారిక పర్యటన ఇరు దేశాల దౌత్య, ఆర్థిక సంబంధాల్లో ఒక కొత్త అధ్యాయానికి నాంది పలకనుంది. గత 40 ఏళ్ల కాలంలో ఒక భారత ప్రధాని న్యూజిలాండ్లో పర్యటించడం ఇదే తొలిసారి కావడం విశేషం. ఈ పర్యటనలో భాగంగా ప్రధాని మోదీ న్యూజిలాండ్లోని ప్రముఖ నగరం ఆక్లాండ్కు చేరుకోనున్నారు.
ఈ రెండు రోజుల పర్యటనలో భారత్-న్యూజిలాండ్ మధ్య వాణిజ్య పరమైన అంశాలపై కీలక చర్చలు జరగనున్నాయి. ముఖ్యంగా ఇరు దేశాల మధ్య స్వేచ్ఛా వాణిజ్య ఒప్పందం (FTA) అమలు పరచడంపై ప్రధాని మోదీ అక్కడి ప్రభుత్వ ప్రతినిధులతో విస్తృతంగా చర్చించనున్నారు. ప్రధాని మోదీ (PM Modi) చేపట్టిన ఈ పర్యటనతో భారత్, న్యూజిలాండ్ దేశాల మధ్య ద్వైపాక్షిక బంధాలు మరింత బలోపేతం అవుతాయని, వాణిజ్య, సాంకేతిక రంగాలలో సరికొత్త అవకాశాలు మెరుగవుతాయని రాజకీయ నిపుణులు భావిస్తున్నారు.
