కలం, వెబ్డెస్క్: విజయవాడ (Vijayawada)లో మరోసారి భద్రతా వైఫల్యం బట్టబయలైంది. ఆలయ (Temple) అధికారుల నిర్లక్ష్యంతో వరుస అవాంఛనీయ ఘటనలు చోటుచేసుకుంటున్నాయి. గతంలో చెప్పులతో ఆలయంలోకి రావడం, పాడైపోయిన పదార్థాలతో ప్రసాదం, ఫేక్ దర్శన టికెట్ల దందా వంటి ఘటనలు చోటు చేసుకోగా తాజాగా ఓ యువతి ఆలయం ముందే డ్యాన్స్ చేస్తూ రీల్స్ (Reels) చేయడం తీవ్ర విమర్శలకు దారి తీసింది.
ఆలయ అధికారుల కార్యాలయాలు అక్కడే ఉన్నా ఒక్కరు కూడా ఈ రీల్స్ రికార్డింగ్ను అడ్డుకోలేదు. ఈ ఘటనపై భక్తులు తీవ్ర ఆగ్రహం వ్యక్తం చేస్తున్నారు. వెంటనే సదరు యువతిపై చర్యలు తీసుకొని, ఇలాంటి ఘటనలు పునరావృతం కాకుండా చూడాలని డిమాండ్ చేస్తున్నారు.
