కలం, స్పోర్ట్స్ : భారత క్రికెట్ స్టార్ విరాట్ కోహ్లీ (Virat Kohli) అధికారిక ఇన్స్టాగ్రామ్ అకౌంట్ రీస్టోర్ అయింది. శుక్రవారం ఉదయం అతడి ఖాతా కొన్ని గంటలపాటు కనిపించలేదు. దీంతో అభిమానులు ఆందోళన చెందారు. అసలేమైంది అన్న సోషల్ మీడియాను ప్రశ్నలతో ముంచెత్తారు. ఈ గందరగోళానికి ఇది ముగింపు పలికింది. కోహ్లీ అకౌంట్ అకస్మాత్తుగా అందుబాటులో లేకుండా పోవడంతో సోషల్ మీడియాలో పెద్ద చర్చ మొదలైంది. ఇది సాంకేతిక సమస్యా, లేక ఉద్దేశపూర్వకంగా డీయాక్టివేట్ చేశారా అన్న అనుమానాలు వ్యక్తమయ్యాయి.
ఈ పరిస్థితి మరింత ఆసక్తికరంగా మారింది. కోహ్లీ (Virat Kohli ) సోదరుడు వికాస్ కోహ్లీ ఇన్స్టాగ్రామ్ అకౌంట్ కూడా అదే సమయంలో కనిపించకుండా పోయిందని అభిమానులు గమనించారు. దీంతో ఆందోళన మరింత పెరిగింది. ఇప్పుడు కోహ్లీ ప్రొఫైల్ మళ్లీ కనిపించడంతో ఇది తాత్కాలిక అంతరాయం అయ్యుండొచ్చని భావిస్తున్నారు. అయితే ఈ ఘటనకు కారణం ఏమిటన్న విషయంపై కోహ్లీ గానీ, ఇన్స్టాగ్రామ్ గానీ ఇప్పటివరకు అధికారిక వివరణ ఇవ్వలేదు. దీంతో అసలు కోహ్లీ ఖాతా ఎందుకు కనిపించలేదు అన్న ప్రశ్నలు ఇంకా అలాగే ఉన్నాయి.
274 మిలియన్లకు పైగా ఫాలోవర్లతో కోహ్లీ సోషల్ మీడియాలో అత్యంత ప్రభావవంతమైన వ్యక్తుల్లో ఒకరిగా కొనసాగుతున్నారు. అభిమానులతో అనుసంధానం మాత్రమే కాకుండా, ఆయన గ్లోబల్ బ్రాండ్ గుర్తింపులో సోషల్ మీడియా కీలక పాత్ర పోషిస్తోంది. ఈ ఘటన డిజిటల్ యుగంలో ప్రముఖుల అకౌంట్లు కూడా ఎంత సులభంగా ప్రభావితమవుతాయో మరోసారి చర్చకు తెరతీసింది. ఇప్పుడు అభిమానుల దృష్టి మళ్లీ కోహ్లీ ఆటపైకి మళ్లే అవకాశం ఉంది.
Read Also: ఐరోపా లీగ్ ప్లేఆఫ్స్కు సెల్టిక్, ఫారెస్ట్ జట్లు
Follow Us On: Pinterest
