కలం, వెబ్డెస్క్: తెలంగాణ ఏసీబీ (Telangana ACB) వలకు మరో అవినీతి అధికారి చిక్కారు. రంగారెడ్డి జిల్లా డీఎంహెచ్వో (Rangareddy DMHO) స్వర్ణకుమారి లంచం కేసులో పట్టుబడ్డారు. ఓ వ్యక్తి వద్ద నుంచి రూ. లక్ష లంచం తీసుకుంటూ ఉండగా ఏసీబీ అధికారులు ఆమెను అదుపులోకి తీసుకున్నారు. సీఐ శ్రీనివాస్తో పాటు డ్రైవర్ కృష్ణయ్యను కూడా అధికారులు అరెస్ట్ చేశారు. సీజ్ చేసిన ఫిజియో సెంటర్ తెరిచేందుకు స్వర్ణ కుమారి రూ.లక్ష లంచం డిమాండ్ చేశారు. ఈ మొత్తాన్ని స్వర్ణ కుమారి ఆదేశాలతో డ్రైవర్ కృష్ణయ్య డిమాండ్ చేశారు. ఈ ఘటనపై బాధితుడు ఏసీబీ అధికారులను ఆశ్రయించాడు. రంగంలోకి దిగిన అధికారులు స్వర్ణకుమారి, డ్రైవర్ కృష్ణయ్య, సీఐని అరెస్ట్ చేశారు.

