కలం, స్పోర్ట్స్: భారత్, న్యూజిలాండ్ వన్డే సిరీస్‌కు (Ind vs NZ ODI Series) ముందు టీమిండియాకు పెద్ద షాక్ తగిలింది. తొడ కండరాల గాయంతో బాధపడుతున్న స్పీడ్ బౌలర్ ప్రసిద్ధ్ కృష్ణ ఫిట్‌నెస్ టెస్టులో విఫలమయ్యారు. దీంతో రాబోయే ఐదు వన్డేల సిరీస్ నుంచి ఆయన వైదొలిగారని బీసీసీఐ ధృవీకరించింది. ప్రసిద్ధ్ కృష్ణ ప్రస్తుతం నేషనల్ క్రికెట్ అకాడమీలో కోలుకుంటున్నారు. మ్యాచ్ ఫిట్‌నెస్ సాధించడానికి ఆయన న్యూజిలాండ్-ఎ జట్టుతో జరిగే మూడో నాలుగు రోజుల మ్యాచ్‌లో ఇండియా-ఎ తరఫున ఆడే అవకాశం ఉంది.
మరోవైపు, అక్టోబర్ 31న న్యూజిలాండ్-ఎ తో ప్రారంభమయ్యే రెండో నాలుగు రోజుల మ్యాచ్ కోసం మహమ్మద్ సిరాజ్ ఇండియా-ఎ జట్టుతో చేరుతున్నారు. ఆల్ రౌండర్ నితీష్ కుమార్ రెడ్డి నవంబర్ 4న జరిగే మొదటి వన్డే కోసం సీనియర్ జట్టుతోనే ఉంటారు. ఆ తర్వాత టెస్ట సిరీస్ ప్రాక్టీస్ కోసం మూడో నాలుగు రోజుల మ్యాచ్‌కు ఇండియా-ఎ జట్టులోకి వెళ్తారు. అంతేకాకుండా, విరాట్ కోహ్లీ, రోహిత్ శర్మ, శుభ్‌మన్ గిల్, కేఎల్ రాహుల్ ఇప్పటికే ఆక్లాండ్‌లోని టీ20 బృందంతో కలిశారు. గిల్, రాహుల్ గురువారం జరిగిన శిక్షణలో కూడా పాల్గొన్నారు. ఈ సిరీస్ రెండు జట్లకు ఎంతో కీలకం కానుంది.
