రేపు మోదీ అధ్యక్షతన కేంద్ర మంత్రి మండలి భేటీ

కలం, వెబ్ డెస్క్: ప్రధాన మంత్రి నరేంద్ర మోదీ అధ్యక్షతన గురువారం కేంద్ర మంత్రి మండలి (Union Cabinet Meeting) సమావేశం జరుగనుంది. ఈ సమావేశానికి కేబినెట్ మంత్రులు, స్వతంత్ర మంత్రులు, సహాయ మంత్రులు హాజరుకానున్నారు. మోదీ 3.0 కేబినెట్ విస్తరణ, పునర్వ్యవస్థీకరణ ఊహాగానాల నేపథ్యంలో ఈ మీటింగ్ జరుగనున్నట్లు తెలుస్తోంది. సమావేశంలో ముఖ్యంగా ప్రభుత్వ పథకాల అమలు, మంత్రిత్వ శాఖల పనితీరుపై చర్చించనున్నారు. జూన్ 10న మోదీ 3.0 ప్రభుత్వం రెండేళ్లు పూర్తవుతున్ననేపథ్యంలో సమావేశానికి రాజకీయ ప్రాధాన్యత సంతరించుకుంది. జూన్ సెకండ్ వీక్ లో కేబినెట్ విస్తరణ-పునర్వ్యవస్థీకరణ జరగవచ్చని పలువురు విశ్లేషకులు అభిప్రాయపడుతున్నారు. గతంలోనూ ప్రధాని మోదీ (PM Modi) పూర్తి మంత్రి మండలి సమావేశాలు నిర్వహించినా.. తాజాగా నిర్వహించనున్న సమావేశం రాజకీయ వర్గాల్లో ఆసక్తి కలిగిస్తోంది.