కలం, స్పోర్ట్స్ : ఆసియా కప్కు ముందు పాకిస్థాన్ మహిళల జట్టు (Pakistan Women Team) కీలకంగా సిద్ధమైంది. ఒత్తిడిని ఎదుర్కొనేందుకు పురుషుల జట్లతో టీ20 మ్యాచ్లు ఆడింది. లాహోర్లోని నేషనల్ క్రికెట్ అకాడమీలో జరిగిన శిబిరంలో ఈ మ్యాచ్లు నిర్వహించారు. టీనేజర్లు, సీనియర్ ఆటగాళ్లు ఉన్న పురుషుల జట్లతో పోటీ మ్యాచ్లు ఆడారు. ఇవి సాధారణ ప్రాక్టీస్ మ్యాచ్లు కాదు.
పూర్తి 20 ఓవర్ల మ్యాచ్లుగా నిర్వహించారు. కీలక సమయాల్లో సరైన నిర్ణయాలు తీసుకోవడమే లక్ష్యంగా ఈ మ్యాచ్లు సాగాయి. కెప్టెన్ ఫాతిమా సనా ప్రకారం, ఈ మ్యాచ్లతో జట్టుకు ఒత్తిడిని ఎదుర్కొనే అనుభవం వచ్చింది. కీలక సమయాల్లో ప్రశాంతంగా ఉండటం, ప్రణాళికలను అమలు చేయడంపై ప్రత్యేకంగా దృష్టి పెట్టారు.
పాకిస్థాన్ ఆసియా కప్లో గ్రూప్-ఏలో ఉంది. భారత్, థాయ్లాండ్, హాంకాంగ్-చైనాతో కలిసి ఆడనుంది. సెప్టెంబర్ 1న థాయ్లాండ్తో పాక్ తొలి మ్యాచ్ ఆడుతుంది. సెప్టెంబర్ 5న భారత్తో తలపడుతుంది. సెప్టెంబర్ 7న హాంకాంగ్-చైనాతో మ్యాచ్ ఉంటుంది. పాకిస్థాన్ ఇప్పటివరకు మహిళల ఆసియా కప్ టైటిల్ గెలవలేదు. గత పదేళ్లలో ఫైనల్కు కూడా చేరలేదు. ఈసారి ఒత్తిడిని సమర్థంగా ఎదుర్కొని ముందుకు వెళ్లడమే జట్టు లక్ష్యంగా కనిపిస్తోంది. టోర్నీలో పాక్ ప్రదర్శన ఎలా ఉంటుందో చూడాలి.
