కలం, నల్లగొండ : మహాత్మా గాంధీ విశ్వవిద్యాలయం (MG University) లోని పలు విభాగాలలో పీహెచ్డీ (PhD) కోర్సుల్లో ప్రవేశాల కోసం నోటిఫికేషన్ విడుదలైంది. 2024–2025, 2025–2026 విద్యా సంవత్సరాలకు సంబంధించి ఈ పీహెచ్డీ ప్రవేశాల నోటిఫికేషన్ను వర్సిటీ డైరెక్టర్ ఆఫ్ అడ్మిషన్స్ అధికారికంగా విడుదల చేశారు. ఈ నోటిఫికేషన్ ద్వారా కేటగిరీ-1, కేటగిరీ-2 విధానాల్లో ఖాళీలను భర్తీ చేయనున్నట్లు డైరెక్టర్ తెలిపారు.
వివిధ విభాగాల్లో కెమిస్ట్రీ 31, బిజినెస్ మేనేజ్మెంట్ 18, ఇంజినీరింగ్ అండ్ టెక్నాలజీ 13, మ్యాథమెటిక్స్ 8, ఎకనామిక్స్ 6, బయో కెమిస్ట్రీ 5, ఇంగ్లీష్ 2, కామర్స్ 1 ఖాళీలు ఉన్నాయి. అర్హత గల అభ్యర్థులు దరఖాస్తు విధానం, నిబంధనలు, ఫీజు, ఇతర పూర్తి సమాచారం కోసం ఎంజీయూ అధికారిక వెబ్సైట్ను సందర్శించాలని డైరెక్టర్ స్పష్టం చేశారు.
