కలం, నిర్మల్: రక్షాబంధన్ పర్వదినాన్ని పురస్కరించుకుని ఉట్నూర్లోని ఖానాపూర్ ఎమ్మెల్యే వెడ్మ బొజ్జు (Vedma Bhojju) పటేల్ నివాసంలో శుక్రవారం ఘనంగా వేడుకలు జరిగాయి. ఎమ్మెల్యే సోదరీమణులు, కాంగ్రెస్ పార్టీ మహిళా కార్యకర్తలు శుక్రవారం రాఖీలు కట్టి ఆత్మీయంగా శుభాకాంక్షలు తెలిపారు. ఈ సందర్భంగా ఎమ్మెల్యే మాట్లాడుతూ.. రక్షాబంధన్ సోదర ప్రేమ, ఆత్మీయ అనుబంధానికి ప్రతీకగా నిలుస్తుందన్నారు.
మహిళల సంక్షేమం, భద్రత, అభివృద్ధికి ఎల్లప్పుడూ అండగా ఉంటానని తెలిపారు. మహిళల సాధికారతకు ప్రభుత్వం చేపడుతున్న కార్యక్రమాలను ప్రజల్లోకి తీసుకెళ్లేందుకు ప్రతి ఒక్కరూ కృషి చేయాలన్నారు.
