కలం, ఆదిలాబాద్: జిల్లా కేంద్రంలోని ప్రింట్ మీడియా ప్రెస్ క్లబ్ అభివృద్ధికి కలెక్టర్ రాజర్షి షా(Rajarshi Shah) ప్రత్యేక చొరవ తీసుకొని రూ.5 లక్షల నిధులు మంజూరు చేయించారు. ఈ సందర్భంగా మంగళవారం ప్రెస్ క్లబ్ ఆవరణలో కలెక్టర్ రాజర్షి షా భూమిపూజ నిర్వహించి అభివృద్ధి పనులను ప్రారంభించారు.
పనులను నాణ్యతా ప్రమాణాలతో త్వరితగతిన పూర్తి చేయాలని ఆయన అధికారులకు సూచించారు. పాత్రికేయుల సంక్షేమం, ప్రెస్ క్లబ్ అభివృద్ధికి జిల్లా యంత్రాంగం తరఫున సహకారం అందిస్తామని కలెక్టర్ తెలిపారు. ఈ కార్యక్రమంలో మీడియా ప్రతినిధులు, సంబంధిత అధికారులు పాల్గొన్నారు.

