కలం, వెబ్ డెస్క్: చెన్నై సూపర్ కింగ్స్ (Chennai Super Kings) యాజమాన్యం నగర ట్రాఫిక్ పోలీసులకు రూ.కోటి విలువైన 63 బైకులను అందించింది. సామాజిక బాధ్యతలో భాగంగా ట్రాఫిక్ నియంత్రణ, రహదారి భద్రతను మరింత మెరుగుపరిచేందుకు ఈ వాహనాలను అందించింది. వీటిలో 38 హోండా షైన్, 25 రాయల్ ఎన్‌ఫీల్డ్ బైకులు ఉన్నాయి. CSK ఎండీ విశ్వనాథన్, చెన్నై పోలీస్ కమిషనర్ అమల్‌రాజ్ ఈ వాహనాలను పోలీసులకు అందజేశారు. చైన్నై పోలీసులకు విలువైన బైకులు అందించడంతో సోషల్ మీడియాలో ప్రశంసలు దక్కుతున్నాయి. సీఎస్‌కే‌లా.. ఇతర ఐపీఎల్ ఫ్రాంచైజ్ యాజమాన్యాలు సోషల్ సర్వీస్‌లో భాగం కావాలని నెటిజన్స్ కామెంట్స్ చేస్తున్నారు.
