కలం, వెబ్ డెస్క్ : రాష్ట్రంలో 2026-27 విద్యాసంవత్సరానికి సంబంధించిన బీఎస్సీ నర్సింగ్ (BSc Nursing) కోర్సుల్లో మిగిలిపోయిన సీట్ల భర్తీకి ప్రభుత్వం కీలక నిర్ణయం తీసుకుంది. నీట్-యూజీ 2026 పరీక్షకు హాజరైన అభ్యర్థులతో పాటు, ఏపీ ఈఏపీసెట్-2026 లో అర్హత సాధించిన విద్యార్థులకు కూడా తుది మాప్-అప్ కౌన్సెలింగ్ రౌండ్లో ప్రవేశాలు కల్పించేలా వెసులుబాటు కల్పించింది.
ఈ కోర్సుల్లో చేరాలనుకునే ఆసక్తిగల అభ్యర్థుల సౌలభ్యం కోసం దరఖాస్తు రిజిస్ట్రేషన్ గడువును మరో 10 రోజులు పొడిగిస్తూ అధికారులు ఉత్తర్వులు జారీ చేశారు.
