కలం, స్పోర్ట్స్ : భారత్‌తో శనివారం జరిగే మ్యాచ్‌పై బ్రెజిల్ కోచ్ కార్లో అన్చెలోట్టి (Carlo Ancelotti) కీలక వ్యాఖ్యలు చేశారు. భారత్‌పై తమకు పూర్తి గౌరవం ఉందని చెప్పారు. మ్యాచ్ ఆసక్తికరంగా, వినోదాత్మకంగా సాగాలని కోరుకుంటున్నట్లు తెలిపారు. ఈ మ్యాచ్ తమ ఆటగాళ్లకు పరీక్ష కాదని అన్చెలోట్టి స్పష్టం చేశారు. బ్రెజిల్ జట్టును ఇంకా సిద్ధం చేస్తున్నామని చెప్పారు. అందుకే భారత్‌తో మ్యాచ్‌ను ఒక అవకాశంగా చూస్తున్నామని తెలిపారు. తుది జట్టును మాత్రం వెల్లడించలేదు.
భారత్ ఇటీవల పనామాతో 1-1తో డ్రా చేసుకున్న మ్యాచ్‌ను బ్రెజిల్ గమనించిందని అన్చెలోట్టి తెలిపారు. భారత జట్టు మంచి ప్రదర్శన ఇచ్చిందని పేర్కొన్నారు. అందుకే ప్రత్యర్థిని పూర్తి గౌరవంతో చూస్తున్నామని చెప్పారు. బ్రెజిల్ ప్రస్తుతం కొత్త జట్టును తయారు చేసే దశలో ఉంది. అనుభవజ్ఞులతో పాటు కొత్త ఆటగాళ్లకు కూడా అవకాశం ఇస్తోంది. ఆస్ట్రేలియాతో ఆడిన రెండు మ్యాచ్‌లు, భారత్‌తో జరగబోయే మ్యాచ్ కూడా ఈ సన్నాహాల్లో భాగమేనని అన్చెలోట్టి (Carlo Ancelotti) తెలిపారు.
ఆస్ట్రేలియాతో బ్రెజిల్ ఒక మ్యాచ్‌ను 1-1తో డ్రా చేసుకోగా, మరో మ్యాచ్‌లో 4-2తో గెలిచింది. జట్టులో ఆటగాళ్లు కలిసిపోవడం, మంచి సమన్వయం ఏర్పడటం సానుకూలంగా ఉందని అన్చెలోట్టి చెప్పారు. క్లబ్ జట్టుతో పోలిస్తే జాతీయ జట్టుకు శిక్షణ ఇచ్చేందుకు తక్కువ సమయం ఉంటుందని వివరించారు. బ్రెజిల్ ఆటలో నిబద్ధత, నాణ్యతతో పాటు ఆనందం కూడా ఉండాలని అన్చెలోట్టి కోరుకుంటున్నారు. ఆటగాళ్లు ప్రతి మ్యాచ్‌ను ఆస్వాదిస్తూ ఆడాలని చెప్పారు. భారత్–బ్రెజిల్ మ్యాచ్ శనివారం కోల్‌కతాలో జరగనుంది. బ్రెజిల్ ఇప్పటికే కోల్‌కతాకు చేరుకుంది.
