కలం, వెబ్ డెస్క్ : భారత వెటరన్ బ్యాటర్ అజింక్య రహానే (Ajinkya Rahane) అంతర్జాతీయ క్రికెట్కు రిటైర్మెంట్ ప్రకటించారు. అన్ని రకాల ఫార్మాట్ల నుంచి తప్పుకుంటున్నట్లు ఆయన అధికారికంగా వెల్లడించారు. “ప్రతి దానికి ఒక ముగింపు ఉన్నట్టే, నా ఆటకు వీడ్కోలు పలికే సమయం వచ్చింది” అంటూ రహానే ఒక భావోద్వేగపూరిత వీడియోను సామాజిక మాధ్యమాల్లో పంచుకున్నారు.
దేశం కోసం ఆడడం తన అదృష్టమని, తన సుదీర్ఘ క్రికెట్ ప్రయాణంలో సహకరించిన ప్రతి ఒక్కరికీ, అభిమానులకు ఈ సందర్భంగా ఆయన కృతజ్ఞతలు తెలిపారు. రహానే కెరీర్లో భారత్కు ఎన్నో చిరస్మరణీయ విజయాలను అందించారు, ముఖ్యంగా ఆస్ట్రేలియా గడ్డపై బోర్డర్-గవాస్కర్ ట్రోఫీలో జట్టును నడిపించిన తీరు క్రికెట్ చరిత్రలో నిలిచిపోతుంది.
