“తెలుసు కదా” కథ దొంగిలించారు.. యువకుడి సంచలన ఆరోపణ

ఇటీవల విడుదలైన తెలుసు కదా(Telusu Kada) సినిమా కథ తానే రాశానని ఓ యువకుడు మీడియా ముందుకు వచ్చాడు. ఇందుకు సంబంధించిన ఆధారాలు కూడా బయటపెట్టాడు. దీంతో ఈ సినిమాపై కొత్త వివాదం మొదలైంది. 2020లో ఈ కథను నటి సమంత(Samantha), నటుడు నాని, దర్శకుడు గౌతం తిన్ననూరితోపాటు పలువురు నిర్మాతలకు తాను వివరించానని చెప్పాడు. ఇందుకు సంబంధించిన చాట్స్, ఇమెయిల్స్, డాక్యుమెంట్స్‌ రూపంలో కొన్ని సాక్ష్యాలను బయటపెట్టాడు.

సినీ ఇండస్ట్రీలో కథల ఐడియాలు, కాన్సెప్ట్‌లు తరచుగా దొంగిలిస్తున్నారని.. ఈ విషయం బయటపడ్డా బాధితులకు ఎటువంటి న్యాయం జరగడం లేదని చెప్పుకొచ్చాడు. ఇకముందు తాను మాత్రమే కాదు, కథలు చెప్పే ప్రతి ఒక్కరూ జాగ్రత్తగా ఉండాలని, తమ క్రియేటివ్ కంటెంట్‌ను రక్షించుకోవాలని సూచించాడు. ఈ ఆరోపణలపై తెలుసు కదా(Telusu Kada) చిత్ర బృందం నుంచి ఇప్పటివరకు ఎలాంటి అధికారిక స్పందన రాలేదు. గతంలోనూ కొన్ని సినిమాలకు సంబంధించిన వివాదాలు ఇటువంటివి బయటకు వచ్చాయి. అయితే ఈ కథను ఒక వేళ రిజిస్టర్ చేసుకొని ఉంటే సదరు యువకుడికి న్యాయం జరిగేది. కానీ కేవలం ఇమెల్స్, డాక్యుమెంట్స్ తో న్యాయం జరుగుతుందా? అన్నది వేచి చూడాలి.

Read Also: బాలీవుడ్ దిగ్గజ నటుడు ధర్మేంద్ర మృతి..

Follow Us on : Pinterest