కలం, వెబ్ డెస్క్ : తమిళనాడు బీజేపీ చీఫ్ నైనార్ నాగేంద్రన్ (Nainar Nagendran) ఇటీవలే నటుడు విజయ్ దళపతి (Vijay) పై చేసిన వ్యాఖ్యలు తీవ్ర వివాదానికి దారితీశాయి. విజయ్ టీవీకే (తమిళగ వెట్రి కళగం) పార్టీ పెట్టిన నేపథ్యంలో ఆయనపై నాగేంద్రన్ తీవ్ర విమర్శలు చేశారు. విజయ్ కు రాజకీయ అనుభవం లేదని, ముందు తన ఇంటి నుంచి.. ముఖ్యంగా త్రిష ఇంటి నుంచి బయటకు రావాలని చర్చనీయాంశ వ్యాఖ్యలు చేశారు. దీనిపై హీరోయిన్ త్రిష (Actress Trisha) తీవ్రంగా స్పందించారు. సోషల్ మీడియా వేదికగా తన లాయర్ ద్వారా ఒక అధికారిక ప్రకటన విడుదల చేశారు. ఒక ఉన్నత రాజకీయ స్థానంలో ఉన్న వ్యక్తి నుంచి ఇలాంటి మాటలు ఊహించలేదన్నారు.
తాను ఏ రాజకీయ పార్టీకి చెందిన వ్యక్తిని కాదని, భవిష్యత్తులో కూడా ఏ పార్టీలో చేరను అని త్రిష (Actress Trisha) స్పష్టం చేశారు. తన నటన, కళతోనే గుర్తించాలని, వ్యక్తిగత జీవితాన్ని రాజకీయాల్లోకి లాగకూడదని సూచించారు. మహిళలను అగౌరపరిచే మాటలను ఖండిస్తానని, అవసరమైతే చట్టపరమైన చర్యలు తీసుకుంటానన్ని నటి త్రిష హెచ్చరించారు. మరోవైపు నాగేంద్రన్ వ్యాఖ్యలతో తమిళనాడులో రాజకీయ దుమారం సృష్టించింది. టీవీకే నాయకులు, విజయ్ ఫ్యాన్స్ తో పాటు డీఎంకే, కాంగ్రెస్ నేతలు కూడా బీజేపీ నేతల వ్యాఖ్యలను తీవ్రంగా ఖండిస్తున్నారు.
Read Also: విజయ్, రష్మిక రిసెప్షన్ హైదరాబాద్ లో ఎక్కడంటే?
Follow Us On : WhatsApp
