స్పెషల్ ఇంటెన్సివ్ రివిజన్(SIR)పై చీఫ్ ఎలక్షన్ కమిషనర్ జ్ఞానేష్ కుమార్‌(Gyanesh Kumar)కు పశ్చిమబెంగాల్ సీఎం మమతా బెనర్జీ(Mamata Banerjee) లేఖ రాశారు. బెంగాల్‌లో చేపట్టిన ఎస్ఐఆర్.. ప్రమాదకర పరిస్థితికి చేరిందని ఆమె తన లేఖలో పేర్కొన్నారు. అందువల్లే తాను ఈ లేఖ రాయాల్సి వస్తోందని వివరించారు. ఈ ఎస్ఐఆర్ ప్రక్రియ అధికారుల, పౌరులపై రుద్దుతున్న తీరు ప్రణాళిక లేనిదిగా ఉందని, అంతేకకుండా గందరగోళంగా ఉందని అన్నారు. మొదటి రోజు నుంచి కూడా సరైన ప్రణాళిక లేకపోవడం, స్పష్టమైన సమాచారం లేకపోవడం, కమ్యూనికేషన్ గ్యాప్ వల్ల ఈ ప్రక్రియ దెబ్బతిన్నదని వివరించారు.
ఎస్ఐఆర్ ప్రక్రియ అమలులో కీలక లోపాలున్నాయన్నారు. తప్పనిసరి పత్రాలపై స్పష్టతలేమి కనిపిస్తోందన్నారు. దాంతో పాటుగా ప్రజలు తమ పనుల్లో ఉండే సమయంలో వారిని అధికారులు కలవాలని అనుకోవడం కుదరడం లేదని, ఇవన్నీ కూడా ఎస్ఐఆర్ ప్రక్రియను బలహీనపరిచాయని చెప్పారు. ఈ క్రమంలో ఎస్ఐఆర్ ప్రక్రియను నిలిపివేయాలని కోరారు. ఈ విధానంలోని లోపాలను సరిచేయడానికి పునఃసమీక్షించాలని, ఇందులో ఆయన జోక్యం చేసుకోవాలని ఆమె(Mamata Banerjee) అభ్యర్థించారు. వీటిని సరిచేయకపోతే, వ్యవస్థకు, అధికారులకు, పౌరులకు తీవ్ర నష్టం కలుగుతుందని అన్నారు.
Read Also: ఢిల్లీ బ్లాస్ట్ కేసులో మరో నలుగురు అరెస్ట్
Follow Us on : Pinterest
పై చీఫ్ ఎలక్షన్ కమిషనర్ జ్ఞానేష్ కుమార్కు){kind=link}