కలం, వెబ్ డెస్క్: మెగాస్టార్ చిరంజీవి, విక్టరీ వెంకటేశ్ కాంబినేషన్లో తెరకెక్కిన మన శంకర వరప్రసాద్ గారు (MSVPG) బాక్సాఫీస్ వద్ద మంచి విజయం నమోదు చేసుకుంది. ఫ్యామిలీ ఎంటర్టైనర్గా రూపుదిద్దుకున్న ఈ మూవీ అన్ని వర్గాల ప్రేక్షకులను అలరిస్తోంది. ఫస్ట్ డే మంచి కలెక్షన్లు సాధించి సంక్రాంతి విన్నర్గా నిలిచింది. వరుసగా సంక్రాంతి సెలవులు ఉండటంతో ఆన్లైన్ బుకింగ్స్లో టికెట్స్ హాట్ కేక్స్లా అమ్ముడుపోతున్నాయి. ఈక్రమంలో ఆన్లైన్ బుకింగ్స్తో చిరు సినిమా సరికొత్త రికార్డును సాధించింది. కేవలం ఒక్క గంటలోనే 29వేలకుపైగా టికెట్స్ (Tickets) బుక్ అయ్యాయి.
విడుదలైన రెండు రోజుల్లోనే ఈ మూవీ రూ. 100 కోట్ల మైలురాయిని దాటింది. ప్రపంచవ్యాప్తంగా రూ. 120 కోట్లకుపైగా వసూళ్లు సాధించింది. ఇది చిరంజీవి రీఎంట్రీని బలంగా సూచిస్తోంది. ఈ సీజన్లో అతిపెద్ద సంక్రాంతి (Sankranti) విడుదలగా ఈ చిత్రం మరింత జోరును కొనసాగిస్తుందని నిర్మాతలు భావిస్తున్నారు. ఈ చిత్రంలో నయనతార, కేథరీన్ ట్రెసా, సచిన్ ఖేడేకర్, జరీనా వహాబ్, హర్ష వర్ధన్ కీలక పాత్రల్లో నటించారు.
