హైవేపై సీఎన్జీ గ్యాస్ లీక్.. పరుగులు తీసిన జనం!

కలం, వెబ్ డెస్క్ : చెన్నై–బెంగళూరు జాతీయ రహదారిపై ఒక్కసారిగా సీఎన్జీ గ్యాస్ లీకవడంతో (CNG Gas Leak) కలకలం రేగింది. పూవిరుందవల్లి సమీపంలోని కూడపాక్కం వద్ద ఈ ఘటన చోటుచేసుకుంది. సుమారు వెయ్యి కిలోల సీఎన్జీ గ్యాస్ లోడుతో టోరెంట్ గ్యాస్ గిడ్డంగి నుంచి మధురవాయల్‌కు వెళ్తున్న ఒక వాహనంలో మార్గమధ్యంలో సాంకేతిక లోపం తలెత్తింది. దీంతో సిలిండర్ నుంచి గ్యాస్ ఒక్కసారిగా భారీ శబ్దంతో బయటకు లీకైంది. ఆ శబ్దం దాదాపు రెండు కిలోమీటర్ల దూరం వరకు వినిపించడంతో స్థానికులు ఉలిక్కిపడ్డారు.

లీకైన గ్యాస్ రోడ్డుపై తెల్లటి పొగమంచులా దట్టంగా వ్యాపించడంతో ఏం జరుగుతుందో తెలియక వాహనదారులు, స్థానికులు భయాందోళనకు గురయ్యారు. ఏ క్షణమైనా పెను ప్రమాదం సంభవించవచ్చన్న ఆందోళనతో ప్రజలు ప్రాణభయంతో పరుగులు తీశారు. ఈ ఘటనతో రహదారిపై ఉద్రిక్తత నెలకొనడంతో పాటు వాహనాల రాకపోకలు కొద్దిసేపు పూర్తిగా స్తంభించిపోయాయి. అయితే, ప్రమాదాన్ని పసిగట్టిన వాహన డ్రైవర్ అప్రమత్తంగా వ్యవహరించి, వెంటనే సిలిండర్ వాల్వులను మూసివేశాడు. డ్రైవర్ సమయస్ఫూర్తితో గ్యాస్ లీకేజీ అదుపులోకి రావడంతో పెను ముప్పు తప్పింది.

మ‌రిన్ని వార్త‌ల కోసం మా వాట్స‌ప్ ఛాన‌ల్ ఫాలో అవ్వండి

లేటెస్ట్ న్యూస్‌

Read More Latest News >>

ఎక్స్‌క్లూజివ్‌

Read More Exclusive Stories >>