కలం, కరీంనగర్: కరీంనగర్ జిల్లా కేంద్రంలోని కోతి రాంపూర్ (Kothi Rampur)లో గంజాయి విక్రయిస్తున్న ఇద్దరు వ్యక్తులను ఎక్సైజ్ అధికారులు పట్టుకున్నారు. సీఐ శ్రీ లోబానంద్ ఆధ్వర్యంలో ఎక్సైజ్ సిబ్బంది కోతి రాంపూర్ ప్రాంతంలో తనిఖీలు నిర్వహించారు. ఈ తనిఖీల్లో ఘాసీరామ్, లక్ష్మిని అదుపులోకి తీసుకుని విచారించగా.. 530 గ్రాముల గంజాయి లభించింది. అనంతరం వారిని అరెస్ట్ చేశారు. ఈ ఆపరేషన్‌లో ఎస్సై అభిషేకర్, హెడ్ కానిస్టేబుల్ శ్రీకాంత్, కానిస్టేబుళ్లు సుమన్, ఆరిఫ్, పరుశురాం, దివ్య పాల్గొన్నారు. గంజాయి రవాణా, విక్రయాలు, వినియోగంపై ఎక్సైజ్ శాఖ నిరంతరం నిఘా పెడుతుందని, ఇలాంటి కార్యకలాపాలకు పాల్పడే వారిపై చట్టపరమైన చర్యలు తీసుకుంటుందని హెచ్చరించారు.
