కలం, అచ్చంపేట: నాగర్‌క‌ర్నూల్ జిల్లా అచ్చంపేట (Achampet) నియోజకవర్గం శ్రీశైలం-హైదరాబాద్ ప్రధాన రహదారిపై ఘోర రోడ్డు ప్రమాదం (Accident) చోటు చేసుకుంది. బైక్, క్రూజర్ ఢీకొని ఇద్దరు యువకులు మృతి చెందారు. చెన్నారం గేటు వద్ద ఆదివారం సాయంత్రం ఈ ప్రమాదం జ‌రిగింది. స్థానికులు తెలిపిన వివరాల ప్రకారం.. రాయిచెడి గ్రామంలో మేస్త్రి పని చేస్తూ జీవనం సాగిస్తున్న బిజినపల్లి మండలానికి చెందిన యువకులు ఇద్దరు బైకుపై వెళ్తున్నారు. ఈ స‌మ‌యంలో చెన్నారం గేట్ వద్ద క్రూజ‌ర్‌ను ఢీకొట్టారు. దీంతో తీవ్ర గాయాల పాలై అక్కడిక‌క్క‌డే ప్రాణాలు కోల్పోయారు. మృతుల‌కు సంబంధించిన వివ‌రాలు తెలియాల్సి ఉంది.
