కలం, స్పోర్ట్స్ : వైభవ్ సూర్యవంశీ(Vaibhav Suryavanshi)కి ఛాన్స్ ఎందుకు ఆలస్యం అయిందో టీమిండియా హెడ్ కోచ్ గౌతమ్ గంభీర్ (Gautam Gambhir) క్లారిటీ ఇచ్చారు. వైభవ్ మంచి ఫామ్‌లో ఉన్నప్పటికీ, జట్టు కూర్పును దృష్టిలో ఉంచుకుని కొన్నిసార్లు వేచి చూడాల్సి వస్తుందని గంభీర్ తెలిపారు. సోషల్ మీడియాలో వచ్చే ట్రోల్స్ లేదా బయటి మాటల ఆధారంగా ప్లేయింగ్ ఎలెవన్‌ను ఎంపిక చేయలేమని స్పష్టం చేశారు. ఏ కాలంలోనైనా నిలకడగా రాణించిన సీనియర్ ఆటగాళ్లను ఒక్కసారిగా పక్కన పెట్టలేమని గంభీర్ చెప్పారు. వైభవ్ తుది జట్టులోకి వస్తే అభిషేక్ లేదా సంజూ లాంటి వాళ్లను తప్పించాల్సి వస్తుందని, డ్రెస్సింగ్ రూమ్‌లో ఆటగాళ్లకు భద్రతా భావం కల్పించాల్సిన అవసరం ఉందని ఆయన పేర్కొన్నారు.
జట్టు విజయమే ప్రధాన లక్ష్యంగా కెప్టెన్, కోచ్ కలిసి సరైన కాంబినేషన్‌ను ఎంచుకుంటారని గంభీర్ (Gautam Gambhir) తెలిపారు. అంతకుముందు, 15 ఏళ్ల వయసులోనే అంతర్జాతీయ క్రికెట్‌లోకి అడుగుపెట్టిన వైభవ్.. పలు రికార్డులను సృష్టించారు. ఇంగ్లాండ్‌పై టీ20 అరంగేట్రం చేసి సచిన్ రికార్డును బ్రేక్ చేశారు. అలాగే జింబాబ్వేపై హాఫ్ సెంచరీ బాది అతి పిన్న వయసులో ఈ ఘనత సాధించిన ఆటగాడిగా నిలిచారు. ఆసియా క్రీడల్లోనూ అద్భుతంగా రాణించి భారత్‌కు స్వర్ణం అందించడంలో కీలక పాత్ర పోషించారు. భవిష్యత్తులో ఆటగాళ్ల అవకాశాలు, జట్టు అవసరాలను బట్టి సరైన నిర్ణయాలు తీసుకునే అవకాశం ఉంది.
Also Read : కునోలో చిరుత కూన‌ల సంద‌డి!
Follow Us On: Instagram
