కలం, వెబ్ డెస్క్ : విజయవాడ (Vijayawada) ఆటోనగర్లో దారుణ హత్య చోటుచేసుకుంది. వంద అడుగుల రోడ్డు సమీపంలో ఓలారీ క్లీనర్పై గుర్తుతెలియని వ్యక్తి రాయితో దాడి చేసి హత్య చేసిన ఘటన కలకలం రేపింది. లారీ క్లీనర్పై నిందితుడు బలంగా రాయితో కొట్టడంతో తీవ్ర గాయాలపాలై అక్కడికక్కడే మృతి చెందినట్లు సమాచారం. ఈ ఘటనతో స్థానికంగా భయాందోళన నెలకొంది.
రాయితో దాడి చేసి హత్య
వంద అడుగుల రోడ్డు సమీపంలో లారీ క్లీనర్ (Lorry Cleaner) పై నిందితుడు రాయితో దాడికి పాల్పడినట్లు తెలుస్తోంది. దాడిలొ క్లీనర్కు తీవ్ర గాయాలు కావడంతో ప్రాణాలు కోల్పోయాడు. ఘటనను గమనించిన స్థానికులు పోలీసులకు సమాచారం అందించారు. సమాచారం అందుకున్న పడమట పోలీసులు వెంటనే సంఘటనా స్థలానికి చేరుకున్నారు.
ఘటనాస్థలంలో పోలీసుల వివరాల సేకరణ
సంఘటనా స్థలాన్ని పరిశీలించిన పోలీసులు హత్యకు సంబంధించిన ఆధారాలను సేకరించారు. మృతదేహాన్ని పరిశీలించి ఘటనకు సంబంధించిన వివరాలను నమోదు చేశారు. హత్యకు ఉపయోగించిన రాయిని కూడా పోలీసులు స్వాధీనం చేసుకున్నట్లు సమాచారం. ఘటన జరిగిన ప్రాంతంలో పరిస్థితులను పరిశీలిస్తూ దర్యాప్తు చేపట్టారు.
నిందితుడిని అదుపులోకి తీసుకుని విచారణ
హత్యకు పాల్పడిన నిందితుడిని పడమట పోలీసులు అదుపులోకి తీసుకున్నట్లు తెలుస్తోంది. అతడిని పోలీస్ స్టేషన్కు తరలించి విచారణ కొనసాగిస్తున్నారు. లారీ క్లీనర్తో నిందితుడికి గతంలో ఏమైనా పరిచయం ఉందా? వ్యక్తిగత వివాదం ఏదైనా ఉందా? అనే కోణాల్లో పోలీసులు ఆరా తీస్తున్నారు.
