కలం, స్పోర్ట్స్ : ఆసియా క్రీడల (Asian Games) బ్యాడ్మింటన్లో భారత్కు తీవ్ర నిరాశ ఎదురైంది. ఆదివారం జరిగిన వ్యక్తిగత విభాగం క్వార్టర్ ఫైనల్స్లో భారత షట్లర్లు అందరూ ఓడిపోయారు. దీంతో ఈసారి వ్యక్తిగత విభాగంలో ఒక్క పతకం కూడా సాధించకుండానే భారత ప్రయాణం ముగిసింది. మహిళల సింగిల్స్ క్వార్టర్స్లో ఒలింపిక్ విజేత పీవీ సింధు ( PV Sindhu) గట్టి పోటీ ఇచ్చి ఓడిపోయారు. చైనా క్రీడాకారిణి చెన్ యు ఫెయితో జరిగిన మ్యాచ్లో సింధు 21-11, 18-21, 10-21 తేడాతో పరాజయం పాలయ్యారు.
24 గంటల వ్యవధిలోనే మూడో మ్యాచ్ ఆడుతూ అలసటను పక్కనపెట్టి తొలి రౌండ్ను గెలుచుకున్నా, చివరి రెండు రౌండ్లలో చెన్ యు ఫెయి పుంజుకోవడంతో సింధు ( PV Sindhu) ఓటమి తప్పలేదు. మరో క్వార్టర్స్లో 19 ఏళ్ల ఉన్నతి హుడా సైతం ప్రపంచ ఛాంపియన్ అకానే యమాగుచిపై అద్భుతంగా పోరాడారు. తొలి రౌండ్ ఓడినా రెండో రౌండ్ గెలిచి మ్యాచ్ను నిలబెట్టుకున్నారు. కానీ నిర్ణయాత్మక మూడో రౌండ్లో యమాగుచి అనుభవానికే విజయం దక్కింది. దాంతో ఉన్నతి 16-21, 21-14, 17-21తో టోర్నీ నుంచి నిష్క్రమించారు.
మహిళల డబుల్స్ క్వార్టర్స్లో త్రీసా జాలీ, గాయత్రి గోపీచంద్ జోడీ 18-21, 9-21తో మలేషియా జంట చేతిలో ఓడిపోయింది. మిక్స్డ్ డబుల్స్లో ధృవ్ కపిల, తనీషా క్రాస్టో జంట చైనా టాప్ సీడ్ జోడీకి గట్టి పోటీ ఇచ్చినప్పటికీ 14-21, 21-18, 18-21 తేడాతో పరాజయం పొందింది. ఆసియా క్రీడల షెడ్యూల్ వల్ల ఆటగాళ్లకు తగినంత విశ్రాంతి దొరకలేదని, అయినప్పటికీ తదుపరి టోర్నీలలో మెరుగైన ప్రదర్శన కోసం ప్రయత్నిస్తామని క్రీడాకారులు ప్రకటించారు.
Also Read : పరిమితి దాటిన AI ఏజెంట్లు.. ఓపెన్ AI సంచలన నిర్ణయం
Follow Us On: X(Twitter)
