కలం, కరీంనగర్ బ్యూరో: రక్షాబంధన్ పర్వదినాన్ని పురస్కరించుకుని ధర్మపురి శిబిర కార్యాలయంలో రాష్ట్ర సంక్షేమ శాఖ మంత్రి అడ్లూరి లక్ష్మణ్ (Adluri Laxman)ను స్థానిక కౌన్సిలర్లు, నియోజకవర్గానికి చెందిన సోదరీమణులు కలిసి రాఖీలు కట్టి శుభాకాంక్షలు తెలిపారు. ఈ సందర్భంగా మంత్రి సోదరీమణులకు రక్షాబంధన్ శుభాకాంక్షలు తెలిపారు. అన్నాచెల్లెళ్ల అనుబంధానికి ప్రతీకగా నిలిచే ఈ పర్వదినం ప్రతి కుటుంబంలో ఆనందాన్ని నింపాలని ఆకాంక్షించారు. సోదరీమణుల ప్రేమాభిమానాలు, ఆశీర్వాదాలు తనకు ఎల్లప్పుడూ కొండంత అండగా ఉంటాయని మంత్రి పేర్కొన్నారు. కార్యక్రమంలో స్థానిక కౌన్సిలర్లు, సోదరీమణులు తదితరులు పాల్గొన్నారు.
