కలం, స్పోర్ట్స్ : డిఫెండింగ్ ఛాంపియన్ ఇగా స్వియాటెక్ టోర్నమెంట్లో ముందుకు సాగాలంటే ఇలాంటి ఉత్కంఠభరితమైన మ్యాచ్ల్లో గెలవడం చాలా ముఖ్యం. ఇలాంటి విజయాలే ఆమెను మానసికంగా దృఢంగా మారుస్తాయని మాజీ టెన్నిస్ ప్లేయర్ విజయ్ అమృత్రాజ్ (Vijay Amritraj) జియోస్టార్తో మాట్లాడుతూ చెప్పారు. స్వియాటెక్ ప్రస్తుతం డిఫెండింగ్ ఛాంపియన్గా బరిలోకి దిగడం వల్ల ఆమెపై తీవ్రమైన ఒత్తిడి ఉంటుందని అమృత్రాజ్ అభిప్రాయపడ్డారు. అందరి దృష్టి ఆమెపైనే ఉంటుందని గుర్తు చేశారు.
టోర్నీ మొదటి వారంలో ఎదురయ్యే ఇలాంటి గట్టి పోటీల్లో గెలిస్తే, ఆమెకు మంచి మొమెంటం లభిస్తుందన్నారు. ఈ రెండు మ్యాచ్లలో విజయం సాధిస్తే, ఆమె టోర్నీలో రెండో వారం వరకు సులువుగా దూసుకెళ్తుందని అంచనా వేశారు. ఇక తదుపరి మ్యాచ్లో ఎదురయ్యే ప్లిస్కోవా గురించి కూడా ఆయన మాట్లాడారు. హెడ్-టు-హెడ్ రికార్డులో ప్లిస్కోవాపై స్వియాటెక్ 3-0 ఆధిక్యంలో ఉన్నప్పటికీ, ఆమెను తక్కువ అంచనా వేయలేమని హెచ్చరించారు.
ప్లిస్కోవాకు కోల్పోయేది ఏమీ లేదు కాబట్టి, ఆమె స్వేచ్ఛగా ఆడే అవకాశం ఉందన్నారు. అదే ఇప్పుడు స్వియాటెక్కు పెద్ద సవాలుగా మారనుంది. ఈ మ్యాచ్లో గెలిచి తన రికార్డును 4-0కు పెంచుకోవాలంటే స్వియాటెక్ కనీసం 80 నుంచి 90 శాతం అత్యుత్తమ ఆటను ప్రదర్శించాల్సి ఉంటుందని అమృత్రాజ్ విశ్లేషించారు. అయితే, ప్లిస్కోవాకు కూడా గెలిచేందుకు స్వల్ప అవకాశాలు ఉన్నాయని ఆయన పేర్కొన్నారు.
