దక్షిణాఫ్రికాతో జరగనున్న రెండో టెస్ట్‌కు టీమిండియా కెప్టెన్ శుభ్‌మన్ గిల్(Shubman Gill) దూరమయ్యాడు. తొలి టెస్ట్‌లో మెడకు తగిలిన గాయం నుంచి గిల్ ఇంకా కోలుకోలేదు. గాయం కావడంతో తొలి టెస్ట్ నుంచి గిల్ తప్పుకున్నాడు. కాగా జట్టుతో కలిసి గువాహటి(Guwahati)కి వెళ్లినా మ్యాచ్ సమయానికి ఫిట్ అవుతాడని అంతా అనుకున్నారు. కానీ అతడి గాయం ఇంకా నయం కాలేదు. అందువల్లే టీమ్ మేనేజ్‌మెంట్ ఇప్పటికే అతడిని రెండో టెస్ట్ మ్యాచ్‌కు పక్కన పెట్టినట్లు సమాచారం.
గిల్ లేకపోవడంతో, తొలి టెస్టులో జట్టును నడిపించిన వైస్-కెప్టెన్ రిషబ్ పంత్(Rishabh Pant) రెండో టెస్టులో కూడా భారత జట్టుకు నాయకత్వం వహించనున్నాడు. ఈడెన్ గార్డెన్స్‌లో జరిగిన తొలి టెస్టులో రెండో రోజు బ్యాటింగ్ చేస్తుండగా గిల్(Shubman Gill)కు తీవ్రమైన మెడ నొప్పి రావడంతో ఆయన రిటైర్డ్ హర్ట్ అయ్యి తిరిగి మైదానంలోకి రావలేదు. ఆ మ్యాచ్‌లో భారత్ 30 పరుగుల తేడాతో అనూహ్య ఓటమి చవిచూసింది. ఇక సిరీస్ ప్రారంభానికి కొద్దిగా ముందు జట్టు నుండి విడుదల చేసిన ఆల్‌రౌండర్ నితీష్ కుమార్ రెడ్డి(Nitish Kumar Reddy)ని ఇప్పుడు మళ్లీ స్క్వాడ్‌లోకి చేర్చారు.
Read Also: ఆటగాళ్లు చేసిందానికి గంభీర్‌ను అని ఏం ప్రయోజనం: ఊతప్ప
Follow Us on: Youtube
