ఉక్రెయిన్ అధ్యక్షుడు జెలెన్స్కీ(Zelensky)కి అమెరికా అధ్యక్షుడు డనాల్డ్ ట్రంప్(Trump) భారీ షాక్ ఇచ్చారు. రష్యాకు అనుకూలంగా ఉన్న శాంతి ఒప్పందానికి గ్రీన్ సిగ్నల్ ఇచ్చారు. రష్యా(Russia), ఉక్రెయిన్(Ukraine) మధ్య మూడు సంవత్సరాలుగా శాంతి ఒప్పందాలకు ప్రయత్నాలు జరుగుతున్నాయి. ఈ నేపథ్యంలోనే రష్యా 28 పాయింట్లతో కూడిన శాంతి ప్రణాళిక రూపొందించబడింది. వాటిలో ఎక్కువ అంశాలు రష్యాకు ప్రయోజనాలు చేకూర్చేలా, రష్యా ప్రయోజనాలకు అనకూలంగా ఉన్నాయి. ఈ ప్రణాళికను అమెరికా, రష్యా అధికారుల సంయుక్త సహకారంతో సిద్ధం చేసి ఇటీవలే ఉక్రెయిన్ ప్రభుత్వానికి అందజేశారు.
దీనిపై అమెరికా ప్రత్యేక రాయబారి స్టీవ్ విట్కాఫ్, ఉక్రెయిన్ జాతీయ భద్రతాధిపతి రుస్తుమ్ ఉమరోవ్ మధ్య సమావేశం జరిగింది. ఆ సందర్భంలో ఈ ప్రణాళికను కీవ్ ప్రభుత్వం అంగీకరించాలని అమెరికా కోరుకుంటోంది అని విట్కాఫ్ స్పష్టంగా తెలిపారని సమాచారం. అయితే ఈ ప్రణాళికలోని కొన్ని ముఖ్యమైన నిబంధనలను జెలెన్స్కీ ప్రభుత్వం తీవ్రంగా వ్యతిరేకిస్తోంది. వాటిని అంగీకరిస్తే ఉక్రెయిన్ సార్వభౌమత్వం, నియంత్రణ కోల్పోయే ప్రమాదం ఉందని కీవ్ భావిస్తోంది. మిత్ర దేశం అయిన ఉక్రెయిన్ అభ్యంతరాలు వ్యక్తం చేస్తున్నప్పటికీ, ట్రంప్(Trump) మాత్రం ఈ శాంతి ప్రణాళికకు పూర్తిగా మద్దతు ఇస్తున్నారని వాదనలు వినిపిస్తున్నాయి.
Read Also: ఆ రాష్ట్రంలోనూ అల్ ఫలా చైర్మన్ అక్రమాలు
Follow Us on : Pinterest
