కలం, వనపర్తి: వనపర్తి జిల్లా కేంద్రంలో ఈ నెల 11వ తేదీన కవయిత్రి మొల్లమాంబ (Mollamamba Statue) విగ్రహ ప్రతిష్ఠాపనలో భాగంగా భూమిపూజ నిర్వహించేందుకు ఏర్పాట్లు చేస్తున్నారు. ఎమ్మెల్యే తూడి మేఘారెడ్డి చేతుల మీదుగా ఈ కార్యక్రమం జరగనుంది. ఈ కార్యక్రమానికి జిల్లాలోని కుమ్మరులంతా కుటుంబ సభ్యులతో కలిసి పెద్ద సంఖ్యలో హాజరై కుల ఐక్యతను చాటాలని సంఘం నాయకులు కోరారు.
ఇందులో భాగంగా శనివారం కొత్తకోట, మదనపురం, ఆత్మకూరు మండల కేంద్రాల్లో సంఘం నాయకుల ఆధ్వర్యంలో సమావేశాలు నిర్వహించి కార్యక్రమంపై చర్చించారు. ఈ సమావేశాల్లో మండల అధ్యక్షులు సత్యం, శ్రీనివాసులు, గౌరవ అధ్యక్షుడు డాక్టర్ నరేష్, యువజన సంఘం అధ్యక్షులు మేఘశ్యామ్, ఈశ్వర్ పాల్గొన్నారు. కౌన్సిలర్ పరుశురాం, సంఘం పట్టణ గౌరవ అధ్యక్షులు కొండన్న, మన్యం, తిరుపయ్య, రవి, నర్సింహులు, వాసు తదితరులు పాల్గొన్నారు.
