కలం, స్పోర్ట్స్: టీమిండియాకు ఐసీసీ (ICC) భారీ జరిమానా విధించింది. ప్రతి ప్లేయర్ మ్యాచ్ ఫీజు నుంచి 35శాతం కోత వేస్తున్నట్లు ప్రకటించింది. ఇందుకు కారణం న్యూజిలాండ్తో జరిగిన ఐదో వన్డేలో స్లో ఓవర్రేట్ నమోదవడమే. ఈ విజయాన్ని ఐసీసీ అధికారికంగా ప్రకటించింది. నవంబర్ 15న మౌంట్ మౌంగనూయ్ వేదికగా ఐదో వన్డే జరిగింది. ఈ మ్యాచ్లో నిర్ణీత సమయానికి భారత్ ఏడు ఓవర్లు వెనుకబడింది.
దీంతో మ్యాచ్ రిఫరీ రంజన్ మదుగల్లే జరిమానా విధించారు. భారత జట్టుకు నాయకత్వం వహించిన శ్రేయస్ అయ్యర్ తప్పును అంగీకరించారు. ఐసీసీ విధించిన జరిమానాకు కూడా సమ్మతించారు. దీంతో అధికారిక విచారణ అవసరం లేకుండానే చర్యలు పూర్తయ్యాయి. ఐసీసీ నిబంధనల ప్రకారం ప్రతి ఓవర్ ఆలస్యానికి ఆటగాళ్ల మ్యాచ్ ఫీజులో ఐదు శాతం కోత విధిస్తారు. ఈ లెక్కన ఏడు ఓవర్లకు 35 శాతం జరిమానా పడింది.

