కలం, వెబ్ డెస్క్ : పవన్ కళ్యాణ్ వ్యాఖ్యలపై ఎమ్మెల్యే అనిరుధ్ రెడ్డి (Anirudh Reddy) ఆగ్రహం వ్యక్తం చేశారు. ఏపీ డిప్యూటీ సీఎంగా గెలిచిన తరువాత పవన్ హైదరాబాద్ లో ఎన్నిరోజులు, ఏపీలో ఎన్నిరోజులు ఉన్నాడో చెప్పాలని ప్రశ్నించారు. అమిత్ షాపై ప్రేమ ఉంటే వెళ్లి గుజరాత్ లో పోటీ చేయాలని ఆయన సూచించారు. ఓజీ, ఉస్తాద్ భగత్ సింగ్ సినిమాలు ఫ్లాప్ అయిన ఫ్రస్టేషన్ లో పవన్ మాట్లాడుతున్నారని ఎద్దేవా చేశారు.
చిరంజీవి అంటే తమకు అభిమానం ఉందని.. ప్రజా రాజ్యం పార్టీ కాంగ్రెస్ లో విలీనం అయిన తరువాత పవన్ కళ్యాణ్ (Pawan Kalyan) ఎక్కడికి వెళ్లిపోయారని అనిరుధ్ రెడ్డి (Anirudh Reddy) ప్రశ్నించారు. పవన్ కళ్యాణ్ కు తన ఫ్యాన్స్ పై అంత ప్రేమ ఉంటే ఉచితంగా టికెట్లు పంచాలని సవాల్ విసిరారు. రాజకీయాల్లోకి వచ్చాకే పవన్ బాగుపడ్డారన్నారు. ఎక్కువ ప్యాకేజీ ఇచ్చే ప్రొడ్యూసర్ల దగ్గరకి పవన్ వెళ్తాడని విమర్శించారు. ఏపీకి జగన్ సీఎంగా ఉన్నప్పుడు పవన్ హైదరాబాద్ లో తలదాచుకున్నారని ఎమ్మెల్యే ఆరోపించారు.
Read Also: మరో స్వాతంత్య్ర పోరాటంలా తెలంగాణ ఉద్యమం: కవిత
Follow Us On : WhatsApp
