కలం, నిర్మల్: ఆదిలాబాద్ జిల్లా పంచాయతీరాజ్ శాఖలో డీఈగా పనిచేసి ఈఈగా పదోన్నతి పొందిన భూక్యా భీంరావు (Bhukya Bheemrao)ను నిర్మల్ జిల్లా వ్యాయామ ఉపాధ్యాయ సంఘం ఆధ్వర్యంలో ఆదివారం ఘనంగా సన్మానించారు. వ్యాయామ ఉపాధ్యాయులకు పలు విషయాల్లో సేవలందిస్తూ, మార్గదర్శనం చేసినందుకు కృతజ్ఞతగా ఈ సన్మాన కార్యక్రమాన్ని నిర్వహించారు. ఈ సందర్భంగా ఆయనకు శుభాకాంక్షలు తెలియజేస్తూ, భవిష్యత్తులో మరిన్ని ఉన్నత పదవులు అధిరోహించాలని ఆకాంక్షించారు.
ఈ కార్యక్రమంలో టీజీపీఈటీ అధ్యక్షుడు సత్తయ్య, కార్యదర్శి వన్నెల భూమన్న, ఎస్‌జీఎఫ్ కార్యదర్శి రాథోడ్ లక్ష్మణ్, టీఆర్‌టీఎఫ్ కార్యదర్శి దర్శనం దేవేందర్, గౌరవాధ్యక్షుడు భోజన్న, సలహాదారు సుదర్శన్, భూక్యా రమేష్ తదితరులు పాల్గొన్నారు.
