ఇండోనేషియా(Indonesia)ను వరుస ప్రకృతి వైపరిత్యాలు అతలాకుతలం చేస్తున్నాయి. ఒకవైపు సైక్లోన్ సెన్యార్‌తో భారీ వర్షాలు కురుస్తున్నాయి. వాటి కారణంగా పలు ప్రాంతాల్లో వరదలు సంభవిస్తున్నాయి. ఈ సమయంలో ఇండోనేషియాలోని సుమత్రా దీవులను భూకంపం వణికించింది. ఈ భూకంప తీవ్రత రెక్టర్ స్కేలు‌పై 6.3గా నమోదయింది. ఈ భూ ప్రకంపలు భూ ఉపరితలానికి 10 కిలోమీటర్ల లోతులో సంభవించినట్లు అధికారులు పేర్కొన్నారు.
ఇండోనేషియా(Indonesia)లో సెన్యార్ తుఫాను కారణంగా సుమత్రా దీవులు ఉక్కిరిబిక్కిరి అవుతున్నాయి. ఈ తుఫాను వల్ల సంభవించిన వరదల్లో 28 మంది ప్రాణాలు కోల్పోయారు. పదుల సంఖ్యలో ప్రజలు గల్లంతయ్యారు. ఈ వరదల వల్ల కొన్ని ప్రధాన రహదారులను కలిపే బ్రిడ్జ్ కూలింది. ఇది సహాయక చర్యలకు ఆటంకం కలిగిస్తోంది. ఇదే సమయంలో భూకంపం సంభవించడంతో సహాయక చర్యలకు తీవ్ర ఇబ్బందులు కలుగుతున్నాయి.
Read Also: ఇమ్రాన్ ఖాన్ చనిపోయాడా? జైలు అధికారుల క్లారిటీ
Follow Us on : Pinterest
