అన్నపూర్ణ, రామానాయుడు స్టూడియోలకు జీహెచ్ఎంసీ(GHMC) నోటీసులు జారీ చేసింది. ఈ రెండు స్టూడియోలు ట్రేడ్ లైసెన్స్ ఫీజు తక్కువగా చెల్లిస్తుండటంతో జీహెచ్ఎంసీ చర్యలు తీసుకున్నది. జూబ్లీహిల్స్ సర్కిల్ అధికారుల నవంబర్ 21న ఈ రెండు స్టూడియోలకు నోటీసులు జారీ చేశారు. అధికారులు తెలిపిన వివరాల ప్రకారం, అన్నపూర్ణ స్టూడియోస్(Annapurna Studios) 92,000 చదరపు అడుగుల విస్తీర్ణంలో వ్యాపారం చేస్తోంది. కానీ రికార్డుల ప్రకారం కేవలం 8,100 చదరపు అడుగుల స్థలానికి మాత్రమే ట్రేడ్ లైసెన్స్ ఫీజు చెల్లించినట్టు గుర్తించారు. 11,52,000 రూపాయలు చెల్లించాల్సి ఉండగా కేవలం రూ.49,000 మాత్రమే చెల్లిస్తున్నట్టు అధికారులు తెలిపారు.
రామానాయుడు స్టూడియోస్(Ramanaidu Studios) 68,000 చదరపు అడుగుల విస్తీర్ణంలో వ్యాపారం చేస్తూ, కేవలం 1,900 చదరపు అడుగులకు మాత్రమే ఫీజు చెల్లించినట్టు అధికారులు గుర్తించారు. ఈ స్టూడియో రూ.2,73,000 చెల్లించాల్సి ఉండగా కేవలం రూ.7,600 మాత్రమే చెల్లిస్తోంది.
దీంతో ఈ రెండు స్టూడియోలు పూర్తి స్థాయిలో ట్రేడ్ లైసెన్స్ ఫీజు చెల్లించాలన్న హెచ్చరికతో నోటీసులు జారీ చేశారు. వ్యాపార విస్తీర్ణం తక్కువ చూపించడం ద్వారా జీహెచ్ఎంసీ(GHMC)కి నష్టం వస్తోందని వారు తెలిపారు. ఇంకా హైదరాబాద్ నగరంలో చాలా సంస్థలు, కంపెనీలు ట్రేడ్ లైసెన్స్ తక్కువగా చెల్లిస్తున్నట్టు ఆరోపణలు ఉన్నాయి. ఆయా సంస్థల మీద అధికారులు ఎటువంటి చర్యలు తీసుకుంటారో వేచి చూడాలి.
Read Also: బెంగళూరు ట్రాఫిక్‌పై శుభాన్షు చురకలు
Follow Us on: Youtube
