కలం డెస్క్ : బిహార్ అసెంబ్లీ ఎన్నికల్లో జన్ సురాజ్ పార్టీ(Jan Suraaj Party) పేరుతో బరిలోకి దిగి చిత్తుగా ఓడిపోయిన పోల్ స్ట్రాటెజిస్ట్ (Poll Strategist) ప్రశాంత్ కిషోర్ (Prashant Kishor) ఐదేండ్లయినా, పదేండ్లయినా గెలిచేదాకా రాజకీయ పోరాటమే తప్ప ఏ పార్టీకి, వ్యక్తికి వ్యూహరక్తగా పనిచేయబోనని స్పష్టం చేశారు. గెలిచేంతవరకు వ్యూహకర్త అవతారమెత్తేది లేదన్నారు. రానున్న ఐదేండ్లు విశ్రాంతి లేకుండా బిహార్ అసెంబ్లీ ఎన్నికలపైనే పొలిటీషియన్‌గా పనిచేస్తానన్నారు. మాఫియా పాలనను అనుమతించే ప్రసక్తే లేదన్నారు. వచ్చే ఏడాది జరిగే తమిళనాడు ఎన్నికల్లో సినీ నటుడు విజయ్‌కు వ్యూహకర్తగా పనిచేయాలన్న ఆలోచన లేదని నొక్కిచెప్పారు.
బిహార్ ఎన్నికల్లో 238 స్థానాల్లో పోటీ చేసి కనీస పోటీ ఇవ్వలేకపోగా ఒక్క సీటు కూడా గెల్చుకోలేదు. అనేక రాజకీయ పార్టీలకు సలహాలు, సూచనలు ఇచ్చి గెలిపించేందుకు అవసరమైన వ్యూహాలను రచించిన ప్రశాంత్ కిషోర్(Prashant Kishor) సొంతంగా తన పార్టీ వ్యూహం విషయంలో తప్పటడుగు వేశారు. ఓటమిపాలైనా అధికారాన్ని చేజిక్కించుకునేంతవరకు అవసరమైన వ్యూహాలను మార్చుకుంటా.. ఓటమి నుంచి గుణపాఠాలు తీసుకుంటా.. కానీ నా పార్టీలోకి మాత్రం మాఫియా నాయకులకు ఎంట్రీ ఉండదు… అని కుండబద్దలు కొట్టినట్లు చెప్పారు.
Read Also: పంచాయతీ ఎన్నికల్లో కాంగ్రెస్ వ్యూహమేంటి?
Follow Us on: Youtube
