హైదరాబాద్‌కు చెందిన ఉగ్రవాది మొహియుద్దీన్ సయ్యద్‌ను ఇటీవల పోలీసులు అరెస్ట్ చేసిన విషయం తెలిసిందే. ఆముదపు గింజలతో రికిన్ అనే భయంకరమైన పాయిజన్ తయారు చేసి ఎందరినో చంపాలని మొహియుద్దీన్ కుట్ర పన్నాడు. ఈ కుట్రను ఛేదించిన పోలీసులు అతడిని అరెస్ట్ చేశారు. ప్రస్తుతం గుజరాత్ సబర్మతి సెంట్రల్(Sabarmati Jail) లో మొహియుద్దీన్ రిమాండ్ ఖైదీగా ఉన్నాడు. ఇదిలా ఉండగా బుధవారం జైల్లో ఈ ఉగ్రవాదిపై దాడి జరిగింది. తోటి ఖైదీలే అతడిని చితకబాదారు. మొహియుద్దీన్ సెల్‌లో వేరు చేసి ఉంచినా… జైల్లోని ఖైదీలు అతడిపై ఆకస్మికంగా దాడి చేయడం కలకలం రేపింది.
అహ్మద్(Ahmed Mohiyuddin Saiyed)పై అకస్మాత్తుగా, తీవ్రస్థాయిలో దాడి జరిగినట్లు అధికారులు తెలిపారు. పలువురు ఖైదీలు అతని సెల్ వద్దకు చేరుకుని అతడిని బయటకు లాగి దాడి చేసినట్లు తెలుస్తోంది. ఈ ఘటనలో అహ్మద్‌కు తీవ్ర గాయాలు కావడంతో జైలు సిబ్బంది రక్షించారు.
అహ్మద్ ఉగ్రవాద చర్యలు, విషం తయారీ యత్నాలు, ప్రజల ప్రాణాలు తీర్చాలనే కుట్ర బయటపడటంతో తోటి ఖైదీలు అతడిపై దాడి చేసినట్టు తెలుస్తోంది. అయితే ఈ దాడి వెనుక ఏదైనా అంతర్గత వైరం ఉందా? జైల్లోని ఇతర ముఠాలు లేదా గ్యాంగుల మధ్య పరస్పర విభేదాలు కారణమా? లేక అతడు చెప్పిన వివరాలు బయటకు రాకుండా ఒత్తిడి తేవడానికా? అన్న అంశాలపై అధికారులు దర్యాప్తు చేస్తున్నారు. కీలక సమాచారం బయటపెట్టకుండా అతడిని అంతమొందించే కుట్ర ఏదైనా జరుగుతుందా? అన్న చర్చ కూడా సాగుతోంది.
దాడి జరిగిన వెంటనే గుజరాత్ ఏటీఎస్‌కు చెందిన ప్రత్యేక బృందం సబర్మతి జైలు( Sabarmati Jail)కు చేరుకుని మొత్తం సంఘటనపై సమగ్ర విచారణ చేపట్టింది. దాడిలో పాల్గొన్న ఖైదీలను గుర్తించి, సీసీటీవీ ఫుటేజ్, సిబ్బంది వాంగ్మూలాలు సేకరిస్తోంది. అహ్మద్ మొహియుద్దీన్‌ను మరిం పటిష్ట భద్రతలో ఉంచే అవకాశమున్నట్లు జైలు వర్గాలు చెబుతున్నాయి.
Read Also: ఎన్‌కౌంటర్ల వేళ మల్లోజుల వీడియో సందేశం
Follow Us on : Pinterest
