క‌లం, వెబ్‌డెస్క్‌: ప్ర‌ముఖ న‌టుడు మంచు మ‌నోజ్ భార్య భూమా మౌనిక (Bhuma Mounika) ఏపీలో పెట్టుబ‌డులు పెట్ట‌నున్నారు. దీనికి సంబంధించి ప్ర‌భుత్వంతో నేడు ఒప్పందం కుదుర్చుకున్నారు. విశాఖపట్నంలో సీఐఐ స‌మ్మిట్ జ‌రుగుతున్న సంగ‌తి తెలిసిందే. ఈ స‌మ్మిట్‌లో దేశ విదేశాల నుంచి ప‌లు కంపెనీలు ఏపీలో పెట్టుబ‌డులు పెట్టేందుకు త‌ర‌లివ‌స్తున్నాయి. ఈ నేప‌థ్యంలో భూమా మౌనిక త‌న స్టార్ట‌ప్ న‌మ‌స్తే వ‌ర‌ల్డ్ టాయ్స్ త‌ర‌ఫున ఏపీ ప్ర‌భుత్వంతో ఎంవోయూ కుదుర్చుకున్నారు.
ఈ స్టార్ట‌ప్ గురించి గ‌తంలో సైతం మౌనిక ప్ర‌భుత్వానికి ప్ర‌జెంటేష‌న్ ఇచ్చారు. ఈ కార్య‌క్ర‌మంలో మంచు మ‌నోజ్ కూడా పాల్గొన్నారు. ఇందులో భాగంగా మౌనిక రూ.36 కోట్ల‌తో క‌ర్నూలులో ఇండ‌స్ట్రియ‌ల్ యూనిట్ ఏర్పాటు చేయాల‌ని ప్ర‌తిపాదించారు. ఈ యూనిట్ సంప్ర‌దాయ బొమ్మ‌లు, హ‌స్త‌క‌ళా ఉత్ప‌త్తుల ద్వారా భార‌తీయ సంస్కృతిని దేశ విదేశాల్లో ప్ర‌మోట్ చేస్తుంది. రాష్ట్ర అభివృద్ది కోసం వినూత్న ఆలోచ‌న‌తో పెట్టుబ‌డుల‌కు ముందుకు వ‌చ్చిన మ‌నోజ్ దంప‌తుల‌ను ప్ర‌జ‌లు అభినందిస్తున్నారు.
