కలం, వెబ్ డెస్క్ : నేడు భారత అంతరిక్ష పరిశోధన సంస్థ (ISRO) మరో కీలక ప్రయోగానికి సిద్ధమైంది. శ్రీహరికోటలోని సతీష్ ధవన్ స్పేస్ సెంటర్ (Shar) నుంచి నేడు రాత్రి 11:51 గంటలకు జీఎస్‌ఎల్‌వీ-ఎఫ్‌18 (GSLV-F18) రాకెట్‌ను ప్రయోగించనున్నారు. దేశ నావిగేషన్ వ్యవస్థను మరింత బలోపేతం చేసే ఉద్దేశంతో ఈ ప్రయోగాన్ని చేపడుతున్నారు.
ఈ ప్రయోగం ద్వారా ఎన్‌వీఎస్‌-03 (NVS-03) ఉపగ్రహాన్ని శాస్త్రవేత్తలు నింగిలోకి పంపనున్నారు. ఈ శాటిలైట్ బరువు సుమారు 2,232 కేజీలు కాగా, ఇది దాదాపు 13 ఏళ్ల పాటు కక్షలో విజయవంతంగా పనిచేస్తుందని ఇస్రో వెల్లడించింది. దీని ద్వారా దేశంలోని నావిగేషన్ సేవలు మరింత మెరుగవుతాయని శాస్త్రవేత్తలు తెలిపారు.
