కలం, సారంగాపూర్: సారంగాపూర్ (Sarangapur) మండలం చించోలి (బి) గ్రామ సమీపంలోని శ్రీ గండి రామన్న అర్బన్ పార్క్ ఎదుట అటవీ ప్రాంతంలో ఓ వ్యక్తి ఉరివేసుకుని మృతి చెందినట్లు ఏఎస్సై వసంత్ మంగళవారం తెలిపారు. మండలంలోని ధని గ్రామానికి చెందిన సాయిలు (52) అనే వ్యక్తి గత నాలుగేళ్లుగా భార్యకు దూరంగా ఉంటున్నాడు. మద్యానికి బానిస కావడంతో ఒంటరిగా జీవిస్తున్నాడు. ఈ క్రమంలో మనస్తాపానికి గురై సుమారు వారం రోజుల క్రితం ఉరివేసుకుని మృతి చెందినట్లు పేర్కొన్నారు. మృతుడి భార్య ఫిర్యాదు మేరకు కేసు నమోదు చేసి దర్యాప్తు చేపట్టినట్లు ఏఎస్సై వెల్లడించారు.
