కలం, నిజామాబాద్ బ్యూరో : కామారెడ్డి జిల్లా లింగంపేట్ (Lingampet) మండలం పోతాయిపల్లి గ్రామానికి చెందిన ఓ గర్భిణికి పురిటి నొప్పులు రావడంతో కుటుంబ సభ్యులు వెంటనే 108 అంబులెన్స్‌కు సమాచారం అందించారు. అంబులెన్స్ ఈఎంటీ అనిల్, పైలట్ రోహిత్ తక్షణమే స్పందించి బాధితురాలిని ఆసుపత్రికి తరలించేందుకు బయలుదేరారు.
మార్గమధ్యలో నొప్పులు తీవ్రం కావడంతో సిబ్బంది అంబులెన్స్‌లోనే కాన్పు నిర్వహించారు. ఆ మహిళ పండంటి ఆడబిడ్డకు జన్మనిచ్చింది. ప్రస్తుతం తల్లి, బిడ్డ ఇద్దరూ క్షేమంగా ఉన్నారని వైద్యులు తెలిపారు. అనంతరం తల్లిని, నవజాత శిశువును కామారెడ్డి ప్రభుత్వ ఆసుపత్రికి తరలించారు.
