కలం, స్పోర్ట్స్: ఆసియా గేమ్స్ (Asian Games) పతకం కోసం అథ్లెట్ అను రాఘవన్ (Anu Raghavan) ఏళ్ల తరబడి చేస్తున్న పోరాటం ముగింపునకు వచ్చింది. 2026 ఆసియా క్రీడల్లో ఆమె నేరుగా ఆసియన్ ట్రాక్ పై మెడల్ సాధించాలని పట్టుదలతో ఉన్నారు. 2018 జకార్తా ఆసియా గేమ్స్ 400 మీటర్ల హర్డిల్స్లో అను రాఘవన్ నాలుగో స్థానంలో నిలిచారు. విజేత పతకం కోల్పోవడంతో అనుకి కాంస్య పతకం దక్కింది. ఆమె వద్ద సర్టిఫికేట్ మాత్రమే ఉంది, కాంస్య పతకం చేతికి రాలేదు. పోడియంపై నిలబడి ఆ క్షణాన్ని ఆస్వాదించే అవకాశం ఆమెకు దక్కలేదు. ఆమె క్రీడా జీవితం ఎన్నో ఒడిదొడుకులతో సాగింది. 2016 రియో ఒలింపిక్స్ జట్టు నుంచి ఆమెను తొలగించారు.
దానిపై ఆమె న్యాయపోరాటం చేశారు. 2017 ఆసియా ఛాంపియన్షిప్లో రజతం గెలిచారు. ఆమె సొంత ఖర్చులతోనే శిక్షణ పొందారు. తల్లి అనారోగ్యం, మరణంతో తీవ్ర ఒత్తిడి ఎదుర్కొన్నారు. ఆ సమయంలో రిలయన్స్ ఫౌండేషన్ ఆమెకు అండగా నిలిచింది. మోచేతి గాయం నుంచి కోలుకుని ఆమె మళ్లీ ట్రాక్పైకి వచ్చారు. 56.54 సెకన్ల రికార్డు సమయంతో ఆసియా గేమ్స్ భారత జట్టులో చోటు దక్కించుకున్నారు. డేటా విశ్లేషణ, మైండ్సెట్ కోచ్ సహకారంతో ఆమె సిద్ధమయ్యారు.
